Lafaek News—Asosiasaun Estudante Munisípiu Ainaru (ASEMA), kolabora ona Ekipa Servisu Vitoria Kovalima atu lansa asaun karidade liu husi kontribisaun povu munisipiu Dili inklui universidade hodi apoiu nesesidade bázika ba populasaun Kovalima perante lockdown.
“Bainhira laiha ona rendimentu familiár, automatikamente susar nesesidade primària sira, ida-ne’e problema boot, Ho problema ida-ne’e ASEMA hakarak fò solidadridade ba komunidade sira iha Kovalima liu husi kolaborasaun ho Kovalima Vitoria ho Domin-20 (ESVCD-20),” portavoz ASEMA, Hernania da Costa Silva, iha ámbitu komunikadu imprensa iha Sede RENETIL, Faról, Dili, 05/03/2021.
Portavoz ASEMA, ne’e hatutan, bazeia ba Estadu politikamente liuhusi dekretu do Prezidente Repúblika Nù 15/2021 1 de Março dekreta estadu Emerjénsia ba dala sanulu XI hodi bele bele preve prevensaun transmisaun virus ida-ne’e iha Timor-leste, desizaun ida ne’e ita hatene katak estadu restrinji tiha atividade barak inkluí atividade Ekonomia iha Covalima hodi prezudika ba rendimentu familiar
“Hahú loron aban ASEMA sei lori kaixa kontribuisaun la’o iha dalan sidade Dili no Universidade husu tulun hodi kontribui voluntariamente no tuir konsiénsia ba maluk afetadu sira iha Kovalima atu kontribui sentavus balun hodi salva Timor Husi Covid 19, nia esplika
Jornalista : João da Costa Soares
Asisten Editór : Egidio Nono
