Lafaek News- Matenek na’in ba polítika Universidade Nasionál Timor Lorosa’e (UNTL), Felisberto de Carvalho, planu governu atu estende estadu emerjénsia ba daualu, di’ak liu lockdown iha Bobonaru ho Kovalima inklui RAEOA tanba baliza ho Indonézia
Akademista UNTL, Feslisberto de Carvalho. Foto LN: Ezequias Tomas.
“Tuir loloos governu la presiza estende tan estadu emerjénsia ba Daualu, governu estabelese de’it regra ne’ebé rigorozu iha fronteira hodi regula ema ne’ebé tama sai,” felisberto informa ba LafaekNews iha nia knaar fatin kampus UNTL-FSS, foin lalais ne’e.
Felisberto dehan, razaun fundamental lockdown iha munisípiu tolu ne’e tanba labele prejudika fali populasaun iha munisípiu seluk ne’ebé baliza ba malu.
Antes ne’e xefe governu jenerál Taur Matan Ruak, afirma razaun propon prezidente repúblika (PR), Francisco Guterres ‘Lú Olo,’ atu halo renovasaun estadu emerjénsia daualu ba loron 30, intensaun atu evita pandemia refere labele tama mai territóriu nasional tanba haree ba nasaun viziñu nia númeru afetadu sa’e maka’as.
Entretantu, EE dahitu hahú iha loron 4 fulan ida ne’e no sei ramata iha loron 3 fulan Dezembru 2020.
Jornalista : Ezequias Tomas
Editora : Nellya Barros
