Lafaek News—Eskola Báziku Filiál Selegua Aldeia Selegua suku Sagadate Postu administrativu Laga Munisípiu Baucau, menus fasilidade hanesan kadeira meza Inklui biblioteka dapur no bee mós ba haris fatin.
Profesóra Teresina Gusmão husu ba Ministériu de edukasaun atu atu tau matan no fo apoiu ba eskola refere tanba dadaun ne’e menus Meza kadeira Biblioteka dapur no bee mós ba haris fatin Menus
“ Ami husu ba Guverno ami hakarak ajuda meza kadeira haris fatin dapur no Biblioteka sira no bee ne’ebé mak uza ba tein fornesedor sira tenki lalin husi bee matan ne’ebé mak iha mota laran hafoin lori mai tein no uza haris fatin ”
Iha sorin seluk Xefe Aldeia Selegua Aleixo Belo Perreira haktuir, Ministériu Edukasaun la fó atensaun másimu ba EBF Selegua, nune’e autoridade lokal mobiliza kontribuisaun komunidade hodi harii dapur no haris fatin ba estudante sira hodi utiliza.
“Ministériu edukasaun nunka mais atu halo dapur no haris fatin ida ne’e ami autoridade komunidade no inan aman sira ami nia esforsu no ami nia inisiativa rasik halo dapur ho haris iha eskola selugua nian liga mós ba be Guverno nunka tau matan Ami autoridade nia esforsu inklui mós ami nia maluk KEJUS ami dadas kedas be matan ida iha leten neba maibé bee la sufisiente tanba tempu Bailoron naruk hanesan ne be ne maran ne mós afeta ba Estudante sira iha EBF Selegua”
ho nune’e, bee-mos ne’ebé liga ba eskola refere iha tempu bailoron bee-maran, tanba ne’e estudante sira tenki ba lalin rasik ho distánsia dook hodi lori ba eskola uza ba merenda eskola nian inklui haris fatin.
Xefi aldeia ne’e mós rekomda ba parte relamente sira hodi tau ba estudante sira ho razaun tanba estudante sira mak futuru ba nasaun nian
Entretantu Eskola EBF Selegua hari iha tinan 2017, iha sala de aula 4, da-daun ne’e estudante hamutuk 46 kompostu husi primeiro ano too quatro ano inklui Profesores kontratadu nain 3.
Jornalista : Felix Fernandes
Editor : Agapito de Deus
