Lafaek News–Embaixadór Indonézia foun iha Timór-Leste Okto Dorinos Manik informa, bainhira virus Omicron ho Covid-19 laiha ona hafoin bele normaliza movimentu iha fronteira entre Timor Leste ho Indonézia.
Ita hatene agora daudaun kazu Covid-19 komesa sae makas, nune’e ami iha esperansa katak wainhira virus Omicron ne’e tun no laiha ona ita bele halo fasil movimentu hodi noramaliza fali fronteira, tanba ne’e ami halo diskusaun entre Guvernu Timór-Leste no Guvernu Indonézia,” dehan Okto Dorinus, hafoin remata enkontru ho Vise Ministru Interior iha Ministériu Interiór, Vila-Verde, kinta 03/02/2022.
Embaixadór RI iha TL katak, isu ne’ebé da-daun mosu ne’e halai liubá Covid-19, no ida-ne’e nasaun hotu hetan nia impaktu tan ne’e sira sei servisu hamutuk mobiliza esforsu tomak hodi normaliza fronteira, desizaun ne’ebé hasai iha fulan ida bele iha mudansa lalais iha loron rua ka tolu nia laran, hanesan ema hotu hatene antes ne’e kuarentena obrigatoriu tenke loron 14, hafoin tun ba loron 7 no iha loron rua kotuk, tun ba loron lima de’it ona no posibilidade aban mós bele iha mudansa.
Agora liña fronteira iha kontrolu rigorozu tebes no ida-ne’e akontese iha nasaun seluk inklui mós iha fronteira Timór-Leste ho Indonézia,” Okto reafirma.
Iha fatin hanesan, vise ministru interior Antonio Armindo hato’o agradesimentu ba Embaixadór Indonesia Iha Timr, Okto Dorinus, Manik ba esforsu no hanoin di’ak ne’ebé hakarak servisu hamutuk hodi halo prevensaun hasoru COVID-19 iha liña fronteira.
Jornalista :Orlando Magno
Editor : Agapito de Deus
