Lafaek News—Governu Nova-Zelándia liu husi embaixada iha Timor Leste, asina akordu liu husi MoU ho Ministériu Edukasaun Juventude no Desportu (MEJD) kona-ba programa halimar aprende no deskobre susesu (HANDS) ba da-ruak nian hodi hasa’e kuiñesementu labarik sira ho kualidade.
Embaixador Nova-Zelandia, Philip Hewitt, hatete, programa halimar aprende no deskobre susesu (HANDS), ba da-ruak nian ne’e investimentu ne’ebe mak bo’ot, tan ne’e Nova-Zelandia servisu hamutuk ho MEJD atu hadia labarik sira nia esperensia bele sai kualidade ba nasaun.
“Ami sente preveleziu ba servisu hamutuk ho Ministériu Edukasaun Juventude no Desportu (MEJD), husu ba labarik timor-oan presiza halo dezenvolvimentu ba nasaun Timor Leste,” dehan Embaixador Nova-Zelandia, Philip Hewitt ba jornalista sira iha Salaun MEJD Vila Verde, hafoin asina MOU, Kinta (08/07/2021).
Iha Fatin hanesan Ministériu Edukasaun Juventude no Desportu (MEJD) Armindo Maia, hatutan, asina memorandu entendementu ne’e inportante tebes ba edukasaun pre-eskolar ba labarik sira atu bele hasa’e kuinesemntu ne’ebe di’ak.
“Ne’e importante tebes, tanba ne’e presiza asegura edukasaun pre-eskolar ba labarik sira,” informa Ministru Edukasaun Juventude no Desportu Armindo Maia .
Jornalista : Sonia de Almeida
Asisten Editór : Pedro de Almeida
