Loron 16/08/2022.
Reflexaun bazeia ba Futarlia sira, ohin nian.
Maluk fiar-na’in sira:
1. Iha istória badak tolu.
sebuah. Funu iha hujan Ukraina, refujiadu barak mak tenke soe hela uma, servisu hodi halai-sasurut tama hujan- seluk lori de’it mak riku-soin iha isin-lolon. Maibé tan atu evita moras- kontaminoza sira mak seguransa iha rai-ketan (fronteira) sira la fó ema rai-seluk tama ho sasaan sira iha isin-lolon. Sira-nia an tenke rega-moos tiha ho ai-moruk mak foin tama. Dalan-seluk atu soi moris mak ne’e ona, la iha tan seluk ida.
b. Ema tau-lasu iha tós- laran atu kair leikrauk tama na’ok lakeru sira.
Tós-na’in hakuak tiha lakeru-isin naton de’it ba leikrauk nia liman hatama ba.
Laikrauk ho ánsia no kan-tén, hatama liman, rakut lakeru-musan sira, kumu-metin lós, la husik mak la bele dada-sai liman. Hatene karik, loke-liman ka tá-kotu tiha de’it atu soi nia isin. Maibé laek.
2. Lia-fuan murak saida mak kuu housi história oan hirak ne’e ba moris?
Maluk doben sira: Kompara ho kuda-kamelu talin nebé difisil duni atu hatama ba daun-kuak ida. Katak ba ema sá difisil duni, hanoin la hetan ona. Ema riku sei la soi ona dalan-maksoin ba lalehan. Maibé ba Maromak bele buat hotu. Maromak nia domin rohan-laek, la iha ketan ka limite ba ema hotu. Ema-nia domin ba Maromak mak, dala barak, sai tak-dalan ka obstákulu ba Maromak tanba, Habou no kaer-metin hela de’it nia riku-soin sira. Ne’e mak naha-todan nebé bele hanehan mate na’in, se la hatún tiha, Lala’ok (atitude) kaan, na’ok, lohi kokir ema-seluk nia sasaan kontra ona salan- boot sira, nebé haburas abut hodi bobar-metin na’in, la kleur, iis-kotu mesak de’it, Lala’ok ka hahalok kaan, na’ok no habosok ema- seluk nia sasaan hodi sai riku; ne’e habokur de’it mak ema-nia kan-tén (egoismo). Ne’e pekadu. Ema naok-tén, bosok-tén no korutór sira halo ho hakaran mak kontra ona Ukunfuan da-VII no salan-boot (pecado capital) kaan. Mak, se hakfilak-an duni housi hahalok-beik no salan hirak ne’e, bele tama-kontenti mós ba lalehan.
Kondisaun atu tama lalehan mak ida ne’e, Prontu duni atu kore-an tiha housi kakesi riku-soin mundu nian ka kasu tiha salan hotu ho fuan-tomak, klamar-tomak, neon-tomak no kbi’it-tomak (Mk 12: 29-32 – Contrição perfeita). Nune’e de’it mak soi hikas riku-soin ksolok lalehan nu’udar eransa housi Aman. Amin.
