LafaekNews–Eleitores hamutuk rihun tolu neen nolu (3060), iha suku Naimeco, Sub-Rejiaun Pante-Makassar, Rejiaun adminitrativa espesial Oe-kusse Ambeno (RAEOA), partisipa votasaun ba eleisaun prezidensíal (EPREZ) ba períodu 2022-2027.
Tuir Xefe Naimeco, Marcos Liu, hateten, iha Suku Naimeco kompostu husi aldeia Noque, Tenae Baqui ho totál Sentru votasaun haat total populasaun hamutuk 3060 maka ezerse direitu votu iha eleisaun prezidensia tinan ne’e.
Ba sira ne’ebé mak la tuir votasaun ne’e ha’u sente katak ne’e ba sira ne’ebé moras todan no la’o labele kada sentru votasaun pasti iha ida rua mak la vota tanba ho sira nia kondisaun, maibé ida-ne’e ha’u (xefe Suku) seidauk define wainhira ita hatene votus iha sentru votasaun sira,”esplika, xefe suku Naimeco, Marcos Liu, iha Sentru Votasaun Aldeia Noque, 19/03/2022.
Autoriedade ne’e rekoomenda ba Naimeco oan hotu, katak loron 19/03/2022, ne’e importante ba Timor-Leste atu deside prezidente ida ne’ebé sai aman ba nasaun no servi estadu.
Ha’u nia mensajen katak, sidadaun Timor-Leste ita hotu-hotu tenke tanba vota ne’e la’os ba ita nia-an maibé ne’e vota ba ita nia rai rasik I segundu mós vota ba ita estadu ne’ebé independente entaun ema hotu-hotu tenke fo sira nia votus ba kandidatu ida ne’ebé nia hili hodi sai prezidente RDTL, k aman ba nasaun,”tenik autoriedade lokál Suku Naimeco.
Tuir observasaun LafaekNews nota, iha sentru votasaun refere votante sira molok hakat ba exerse sira nia direitu, fase lima uluk ho hand sanitizer nomos uza maskara, no kumpre distansiamentu fíziku, rezultadu final iha suku refere manan maioria husi kandidatu númeru 14.
Jornalista : Egidio Nono
Editor : Agapito de Deus
