Lautém-(Lafaek news)—Ekipa tasforce kompostu saúde no polísia rentrega hikas abitante hamutuk 57 ba família hafoin kumpre kuarentena iha loron 14 nia laran no kontinua izola ema nain hitu (7) iha sala izolamentu munisípiu Lautém.
Administradór munisípiu Lautém, Domingos Savio, informa hafoin liberta tiha ema nain 57 ne’e husi kuarentena no kontinua izola tan ema nain hitu hodi kumpre kuarentena loron 14, no agradese mós abitante sira ne’ebé durante ne’e kumpre tebes regra iha kuarentena.
“Loron 24 durante imi kuarentena iha Lautém la’ós uitoan imi hatudu duni imi nia maturidde imi nia pasiénsia kapasidade hodi lidera imi nia an ohin no aban bain rua ba rai Lautém,” afirma autoridade munisípiu ne’e hafoin entrega abitante 57 ne’ebé kumpre kuarentena perante loron 14 ba família, iha domingu semana ne’e.
Observasaun jornalista lafaek news iha terenu nota katak, abitante hirak hetan mós karta nu’udar evidénsia relasiona ho teste swab atu hatudu ba família sira katak rezultadu husi teste ne’e rasik negativu husi covid-19, no abitante sira ne’ebé sei iha kuarentena hamutuk 23.
Jornalista : CE Lautém
Editor : Agapito de Deus
