Lafaek News–Ekipa EKSES COVID-2020 Tranporta tan Kovalima oan ne’ebé iha Dili hakarak fila ba ninia knua, hamutuk 264 no ema na’in 300 resin hein hela rezultadu teste swab hodi transport aba sira nia knua ida-idak iha munisípiu Kovalima.
“Iha ami nia programa etapa II transporta Kovalima oan iha Dili ne’ebé hakarak fila ba ninia knua hamutuk 600 resin maibe dadaun ne’e ami sei haruka ema nain 164 ba ona tanba sira seluk sei hein rezultadu swap text hafoin rona rezultadu ami tranporta kedas ba munisípiu Kovalima,” dehan Martino Gusmão Alves, ba jornalista iha Posko EKSES COVID-2020, Renetil farol Dili, tersa semana ne’e.
Transporte ne’ebé ekipa EKSES prepara hetan apoiu husi Kovalima oan sira iha Inglaterra no sira mós hanoin atu nafatin eziste sira nia ekipa EKSES bainhira Kovalima oan sira sei iha atu fila ba knua Kovalima.
“Ami nia ekipa ida ne’e sei nafatin eziste bainhira Kovalima oan iha Dili sei iha atu fila ba munisípiu tanba ami hanoin lakoi husik Kovalima oan terus mesak iha Dili bainhira la iha nesesidade tan ne’e ami nafatin preokupa ho sira tanba situasaun agora la hanesan ho situasaun uluk estadu seidauk implementa Serka sanitaria no Estadu Emerjensia,” nia deklara.
Iha fatin hanesan, Estudante Univesidade Nasional Timor-Leste (UNTL) hanesan Kovalima oan, Otilia de Araujo informa, Iha nia parte sente agradese ba maromak no fo mós obrigadu ba ekipa EKSES nia esforsu ne’ebé hakarak tranporta Kovalima oan iha dili ba munisípiu tanba durante ne’e sira sente susar no terus ba aihan tan la iha dala diak ida ba sira atu hetan ai-han husi inan Aman.
”Ami sente orgullu ho sira nia esforsu tomak tanba bele preokupa hodi fasilita ami no dada sai ona ami husi terus ne’ebé ami sente durante Estadu implementa Serka sanitaria no Estadu Emerjensia nia laran tanba ne’e dala ida tan Hatoo obrigadu wain ba Ekipa EKSES COVID-2020 nia eaforsu tomak,” Otilia apresia.
Entretantu kipa EKSES prepara kareta hamutuk ne’en Bus 2 truck 3 Hilux ida hodi tanporta uluk Kovalima oan nain 264 husi Dili ba munisípiu Kovalima.
Jornalista : Orlando Magno
Editór : Agapito de Deus
