Lafaek News—kuarta 09/06/2021, Sentru nasionál Chega (CNC) selebra loron internasional arkivu ba dala-16 iha salaun CNC Balide hodi empodera arkivu no hodi hakbiit liután arkivu sira.
“Ohin ita selebra tinan 16 ONu deside loron 9 hanesan loron internasional arkivu pontu importante tema boot iha tinan ida ne’e empodera arkivu hodi hakbit liután arkivu sira,” hateten Diretor Ezekutivu CNC, Hugo Maria Fernandes ba Jornalista iha salaun CNC Balide, kuarta 9/06/2021.
Nia dehan, hakbiit ne’e ko’alia kona-ba asesu no transparánsia oinsá arkivu sira ne’e bele nakloke no bele utiliza.
“Ita hotu hatene kada país ida iha kondisaun diferente situasaun balu tenke aplika, maibé ativistas balu deside katak Tenke iha posibilidade atu arkivu ida ne’e nakloke ba públiku para atu asegura transparansia akuntabilidade, no mos oinsá mak atu uza arkivu ne’e hodi halo politíka Públiku ne’ebé mak di’ak,” afirma Diretor CNC ne’e.
Iha sorin seluk Vise Ministru Administrasaun Estatal (MAE), Lino de Jesus Torezão hatutan, intensaun husi selebrasaun loron internasional ba arkivu presiza mos rekursus ne’ebé iha kapasidade atu bele hetan arkivu nia objetivu ne’e oinsá?, tanba iha fatin hotu-hotu arkivu ninia preserva ne’e iha.
Governante ne’e reafirma, istória ne’ebé pasadu nian atu hela ba jerasaun sira atu bele kapasita no hatutan nafatin preservasaun agora da-daun iha.
Observasaun jornalista Lafaek News nota katak iha loron komferénsia internasional arkivu ne’e partisipa husi Vise Ministru Admintrasaun Estatal (MAE), Diretor HAK, no Diretor Ezekutivu CNC no membru CNC no partisipante sira seluk iha serimonia selebrasaun ne’e.
Jornalista : Rita Moniz
Editór : Agapito de Deus
