Lafaek News–Eduardo Sarmento lakon durante semana rua ona iha lia fetsa-umane iha Reméxiu, família buka lor-loron seidauk hetan, derepente hetan fali ain sorin ida iha toos laran iha Suku Hera.
Eduardo Sarmento, moris iha suku Hera Aldeia Mota Kiik, Bairu Bideni lakon loos iha lia fetosa-umane iha loron, 20 fulan Fevereiru 2022 to agora, seidauk fila ba uma, maibe familia hetan fali ain sorin iha toos laran besik matebian Eduardo nia uma iha suku Hera.
Eduardo Sarmento servisu nu’udar funsionáriu agrikultura diresaun laboratóriu Hera, Gudensia da Costa nu’udar oan feto boot Eduardo, konta nia kronolójia ba lafaek news , nia apa hamutuk ho família sira sai husi uma ba halo lia iha nia tiun sira iha postu administrativu Reméxiu Vila munisípiu Aileu, maibé too agora seidauk fila ba uma.
Ha’u nia apa sei konta hela istória ho ha’u nia tiu sira, ha’u nia apa haruka ha’u nia ama halo supermi ha’u nia apa han, ha’u nia aman ba halo tiha hau nia apa dehan ba ha’u nia tiun sira dehan ha’u ba liur lai, Ha’u nia apa sei la la’o liu estrada, maibé tun fali ba batar laran depois ami la hetan ona husi loron ne’eba, ami buka dader la hetan loraik ami hetan fali manta ida nia taka iha batar laran.
Depois liu tiha loron rua ami hetan fali nia Jaket, depois iha loron domingo ne’e mos, Ha’u nia apa kiik nia oan sira hetan ha’u nia apa monu hela ba bee laran, depois ha’u nia apa kiik nia oan hetan fali ha’u nia apa, maibe apa kiik nia oan sira ladun koiñese, apa kiik nia oan sira ba bolu ha’u nia apa kiik haree, mak ha’u nia apa kiik bolu troka ha’u nia apa nia faru bokon ne’e ho faru modelu ho kalsa metan badak, nia hatais no nia rai hela nia faru nia hatais ba mate uma ho siñellus iha apa kiik nia uma.
Depois ha’u nia apa kiik husu ha’u nia apa dehan ba ne’ebé? ha’u nia apa hatan dehan dalan atu ba Dili liu husi ne’ebé? ha’u nia apa kiik hatudu dalan too iha mota, maibé ha’u nia apa lakohi liu mai uma, ha’u nia apa kiik husu nusa la liu dalan ba uma? ha’u nia apa hatan, Ha’u tun ba uma ne’e ema iha ailaran sira nakonu ema atu kaer ha’u ba oho, ne’ebé ha’u ba Dili para ba kesar iha parlamentu, dehan hanesan ne’e mak apa kiik hanoin kala tebes duni entaun apa la’o nafatin, maibé tama ai-laran duut naruk loos ne’e mak apa kiik hamos atu hau nia apa liu, apa dehan ba apa kiik labele hamos dalan, ha’u liu tanba ita hamos mak ha’u liu ema buka tuir ha’u nia ain-fatin ema bele kaer ha’u.
Entaun apa kiik halo tuir de’it, maibé ha’u nia apa dehan o labele tuir ha’u husik ha’u mak la’o mesak de’it mak ba, entaun apa kiik fila tiha, agora ami buka apa la hetan no la mai uma to agora, konta oan feto Eduardo ba lafaek news iha suku Hera Aldeia mota kiik, postu Kristu-Rei.
Oan Feto ne’e konta kondisaun ninia papa katak nia apa nunka halo problema ho ema, nia lanu mos iha de’it uma, maibé nunka halo problema ho ema seluk, ba lia Reméxiu mos la halo problema ruma, maibe to agora nia la mai uma.
‘Ami buka nafatin depende ha’u nia avo feto sira ba too laran derepente hetan fali ema nia ain sorin ne’ebe maran, kabun hela de’it ruin, maibé ain fuan ho ida sama rai sei iha, ami fo hatene polisia mai lori ona ba Dili dehan tes DNA, ami hein de’it rezultadu, maibe ami haree ain ne’e la’os ha’u nia, apa nian ain maibe, hanesan fali feto nia ain mak ami mos dúvida hela konta oan feto Eduardo,’’ katak Gudensia.
Jornalista : Acacio Pinto
Editor : Agapito de Deus
