Lafaek News-(Lautém) kandidatu númeru sorteiu 6 Francisco Guterres Lú Olo deklara ba militantes FRETILIN munispiu Lautem, bainhira nia manan iha eleisaun prezidensiál 2022-2027 sei hadia instituisaun Falintil Forsas Defeza Timor-Leste( F-FDTL), hodi garante independénsia no defende soberania nasionál.
Presidente Repúblika hanesan mos Komandante Supremu forsas armadas nian sei hadia ita nian instituisaun F-FDTL, atu nune’e instituisaun F-FDTL bele sai garante ba ita nian independensia no defende ita nia soberania nasionál”, dehan kandidatu numeru sorteiu 6 Francisco Guterres Lú Olo iha nia intervensaun kampania ba dala Sanulu iha Munisípiu Lautem postu administrativu Lospalos iha eis asrama 745 kinta 10/03/2022.
Lú Olo reafirma tan, Prezidente Repúblika sei kopera ho orgaun sira seluk, liu-liu orgaun ezekutivu governu ne’ebé mak sei mosu mai, no PR sei servisu hamutuk ho membru governu sira hodi hadia instituisaun PNTL sira, atu bele servi di’ak liután populasaun, povu hodi fo seguransa di’ak ba povu nia moris.
Sei koopera ho orgaun soberania sira hotu hodi hala’o dezenvolvimentu iha sustentavel ba ita nia rai no fo moris di’ak ba povu tomak ida ne’e mak ha’u nian komprimisiu ba imi Munispiu Lautem”, dehan kandidatu Lú Olo. https://lafaeknews.tl/lu-olo-la-manan-iha-manatutu-marcelino-troka-tiha-hau-nia-naran/
Iha kampañia dala-10 ne’e kandidatu númeru sorteiu 6, no militantes Partidu FRETILIN nian too fatin kampañia eis Asrama 745, simu husi lian nain munisípiu Lautem nian tuir kultura Lospalos nia no hatoo lian Dadolin, Kampania ne’e ’e sei kontinua aban sexta 11/03/2022 iha Munispiu Viqueque tuir orariu CNE nian.
Jornalista: Rita Moniz
Editor : Agapito de Deus
