Lafaek News—Diretór Nasional Infraestrutura Rural (DNIR), Carascalão Conceição, entrega haris sintina públika unidade 1 ba ba jestaun merkaduria Dili atu negosiante merkadu bele utiliza.
Diretór Nasional Infrastrutura Rural, Carascalão Conceição hateten orsamentu ba konstrusaun sintina hamutukk unidade 5, falta 4 seidauk finaliza, no ida entrega ona ba jestaun merkaduria.
“Ne’e mak inísiu ami mai ne’e entre enkontru hamutuk ho ekipa SEATOU sira sei prisija sintina unidade 5, ida ami halo ona hela 4, tuir nesedidade ne’ebé indentifica Presiza 5, maibé teknikamente ami haree fatin ne’e seidauk bele konstrui, tanba sei ateru, tan ne’e parte Miinistru Dezenvolvimentu Rural atu sai komunitaria ou Dezenvolvimentu Rural liu husi diresaun Nasional ida ne,” Carascalão Conceição ba jornalista sira iha merkadu Manleuana, 31/07/2024.
Carascalão esplika projetu refere ho orsamentu 14 mil, maibé iha prosesu tenderizasaun kompaña manan de’it 11 mil atu konstui sintina.
Iha sorin seluk, Diretór Jestaun Merkaduria munisípiu Dili, Artur Henrique, haktuir, sentina públiku ida ne’e parseria ho Ministériu Dezenvolvimentu Rurál no Habitasaun Komunitária ne’ebé planu harii sintina públiku iha merkadu Manleuana, harii ona too ohin loron entrega provozoria simbolikamente ba vendedor sira bele uza Sintina iha fatin refere.
“Ida ne’e hanesan fatin projetu ne’ebé kordenado atu harii Sintina, iha kondisoes ne’ebé ejize ba Ita atu aprezenta atu bele responde ba vendedor sira, posibilidade ami mos koloka ema atu mai kontrolu iha ne’e,” Diretór Jestaun Merkadu iha merkadu Manleuana.
Observasaun Lafaek News nota, Ministériu Dezenvolvimentu Rural liu husi Diresaun Nasional Infra-estrutura Rural, entrega simbolikamente sintina unidade 1 ba jestaun merkaduria munisipiu Dili atu bele fornese ba negosiante sira uza provizória hodi hein konstrusaun unidade 4 ne’ebé sei iha hela faze konstrusaun.
Estajiadu : Elviano Belo
Editor : Agapito de Deus
