Lafaek News—Eskola Bázika Filiál Odofuro suku Luro postu Adminnistrativu Luro, munisípiu Lautém, iha de’it professor nain rua hodi hanorin alunus hamutuk atus 6 no eskola ne’e rasik laiha fasilidade masimu.
Asuntu ne’e hatoo husi Diretor Ezekutivu EBF Odofuro suku Luro, Tomas da Costa, ba Lafaek News hodi dehan, edukasaun mak xave importante ba dezenvolvimentu liu husi investimentu rekursu umanu, governu sentrál tenke sériu atu hadia problema edukasaun husi nasional too baze.
“Tuir ami nia haree situasaun Edukasaun Nasional ligadu too baze iha kategoria rua de’it, ida kona-ba fasilidade, segundo professores ne’ebe menus tebes durante ita ukun an tinan 22 ona, Edukasaun atu la’o ba oin ne’e primeiru iha parte rua ne’e maka importante liu, ida fasilidade ne’ebe iha, fasilidade iha más rekursu umanu la iha mos problema, rekursu iha, maibé fasilidade la iha mos problema,” Diretór EBF Luro, Tomas da Costa ba Lafaek-news iha nia kna’ar fatin EBF Luro (27/07/2024).
EBF Odofuro rasik primeiru ciclo segundo ciclu mestri menus inklui iha terseiru ciclu iha materia balun ne’ebe mestri laiha liu, hanesan primeiru ciclu husi 1 Ano, 4 Ano too 6 Ano, maibe mestri ne’e nain rua de’it mak hanorin estudante sira iha eskola refere.
“Mestre nain tolu maibé balun nia atividade hanesan aprendijen, tanba ita nia rekursu ne’e menus, iha primeiru ciclu no segundo ciclu iha Ensinu Báziku Sentral, agora ba fali terseiru ciclu ba materia sanulu resin-ida iha materia rua ka tolu ne’ebe mestri ne’e menus, ida mak materia husi desportu segundu mak Estuda Liberativu ne’ebe durante ne’e hala’o iha terenu iha Ensinu Baziku ida ne’e, maibé ami mos hanoin hela, lian Portugues nia mestre ne’ebe agora nia idade tama ona ba reformadu ida ne’e mos agora araska ituan karik iha segunda fase ministra da Edukasaun ne’ebe loke hela ba ita nia kandidatu ne’e karik bele balun koloka mai iha Ensinu Báziku ida ne’e bele ba Filiais ne’ebe durante ne’e ami enfreta mestri menus tebe, Tomas sujere.
Total estudante iha EBF Odofuro hamutuk 600 kedan, no mestre nain rua de’it mak hanorin estudante hirak ne’e, ho problema hirak ne’e husu ministériu edukasaun atu buka solusaun lalais atu bele transfere fali professores balun bai ha EBF Odofuro hodi hanorin estudante sira.
“Ami foin dadauk hetan proposta no formulario ne’ebe mai husi Edukasaun Nasional no ami prense tiha ona hatama fila-fali karik ho entrega fila-fali ba ita nia diresaun ami mos espera katak tempu tuir mai ou antes atu tama ba terseiru periodu mudah-mudahan ami hetan ita nia rekursu liu-liu ba ita nia Professor ne’ebe foin dadauk hetan Segunda fase ne’ebe sira tuir tes iha nasional ne’eba. Aloka Professor ba nia fatin ninia area para nia hanorin karik tenki tuir Nia espesialidade ne’ebe nia hetan iha nia tempu ne’ebe nia sei eskola se ita alokasaun Professor ne’ebe atu aloka faila iha nia fatin ida ne’e mos defikulta ninia aprendisajen iha terenu,” Hakotu Tomas.
Jornalista : Arnaldo Nunes
Editor : Agapito de Deus
