Lafaek News–Membru polísia husi Bataliaun Ordem Públiku (BOP) ho inisial TM nia pistola tarutu deskuidu (la espera) iha oras 12 (meiudia) liu iha sentru votasaun Santa Krúz.
Kronolójia husi akontesimentu ne’e membru polísia ida husi Bataliaun Ordem Públiku (BOP) ho inisiál TM atu ba vota nune’e entrega tiha nia pistola ba nia kolega ida kaer hela, depois de TM vota hotu tiha sai husi sentru votasaun hodi simu fali nia pistola hodi deskarega ho maneira se ba rai derepente pistola ne’e tarutu.
Iha akontesimentu ne’e la rezulta ema ruma mate ho kanek, maibé komunidades ho votantes sira ne’ebé forma iha hela filera hakfodak maibé la’os finzidu tarutu derepente bainhira pistola nain deskarega.
Iha akontesimentu ne’e Polísia husi eskuadra nain feto halo ona relatoria no lori ona membru nain rua ba Kuartel jeral hodi submete ba prosesu investigasaun.
Jeremias Abel Hornai hanesan joven ne’ebé iha mos fatin akontesementu haktuir, bainhira pistola ne’e tarutu bainhira nia halo deskaregamentu no nia rasik mos hakfodak, tanba pistola mak tarutu derepente.
Ha’u haree maun poíisia ida kaer pistola ne’e mos hakfodak tarutu ha’u rona lian, maibé ha’u la hakfodak tanba hanesan roda tarutu, maibé ami haree ba polísia ida kaer pistola ne’e rasik mos hakfodak,’’ katak sasin ne’e ba lafaek news iha sentru votasaun Santa Krúz, tersa (19/04/22).
Sasin ne’e haktuir tan, hafoin kilat ne’e tarutu tiha pistola nain ne’e nia kolega polísia mos hakfodak hodi dehan salah teknik.
Ami hasee nia kolega dehan sala teknik, tanba ha’u haree pistola ne’e nia rai iha liur no hasai nia makasen sai mai foti fali nia deskarega tiha mak tarutu derrepente de’it,’’ informa Jeremias.
Jornalista : Acacio Pinto
Editor : Agapito de Deus
