Lafaek News—Deskonfia manorin nain ida (professor) husi eskola 04 Setembru, hatudu video pornografia ba estudante ida ho Classe 12, Ano, bainhira halo hela funsaun hanesan vijilánsia iha ezame nasional iha eskola Sekundária Jerál Rainha da Paz Bebonuk.
Tuir Fontes Anónimu ne’ebé lakohi temi nia naran, haktuir kronolojia katak, Iha loron Segunda,16 Outubru 2023, Exame Nasionál hahú abertura no la’o hela iha teritóriu Timor-Leste, manorin mane ida loke video pornografia, mai husi Eskola Sekundária jeral, Númeru 04 Setembru UNAMET Balide, Dili, professor ne’e hala’o nia funsaun hanesan Vijilante durante loron hat (16-19 Outubru 2023) ba Exame Nasionál iha, Eskola Sekundária Geral Rainha da Paz, Bebonuk (Tuti) Díli, Klase 12 Ano, Programa Ciência Teknolojia, iha aula ka sala númeru 2.
foto google.
Iha ne’ebé, bainhira mestri ne’e hala’o hela vijilánsia iha aula laran Exame Nasional, pesoal professor mane ne’e lori telemovel loke video pornografia at ba estudante feto ida, Klase 12 Ano, Programa Siénsia Teknolojia, Sala númeru 2, mestre ne’e tebe estudante feto ne’e nia ain hodi haruka atu haree video pornografia at ne’e no momentu ne’e Exame Nasionál mos la’o da-daun hela.
Tuir mai iha loron, Kuarta 18 Outubru 2023, estudante 12 Ano sira balu kexar ona mestre refere, ba sira nia Inan-Aman no atu lori kazu ne’e prosesu ba iha Polísia Eskuadra Dom Aleixo, Munisípiu Dili, no atu kontinua kexar mestre ne’e lori ba diresaun Eskola Sekundária Jeral 4 Setembru UNAMET Balide, tanba hahalok ida ne’e laiha étika moral,
Parte seluk Familia hosi Estudante ida ne’e lakohi hatete nia identidade katak nia oan ba uma konta ba nia inan-aman, tan ne’e inan-ama la aseita, tanba media presiza fo sai informasaun atu publiku bele hatene hahalok husi pesoal professor refere.
enkuantu, too notisia ne’e hatun lafaek news seidauk konfirma ho estudante ne’ebe sai vitima ba hahalok ne’e, maibe redasaun lafaek news sei tenta halo konfirmasaun ho familia estudante, inklui pessoal professor ne’e atu bele haklean motivu husi akontesimentu ne’e.
Jornalista : Acacio Pinto
Editor : Agapito de Deus
