Asumsaun reflesaun

(Damião Pereira)

Asumsaun :

razaun ha’u hakerek títulu ida ne’e haré ba realidade social ne’ebé nota momoos katak, problemas família ladun iha unidade domin no paz haksolok, entaun susar tebes atu tulun malu, kuandu susar atu tulun malu sudah pasti ekonomia sempre namlele tebes. Haré mós realidade violénsia oin-oin akontese iha família loron-loron.

Siensia sosiologia dehan família mak estadu ida kiik liu iha Nasaun ida nia laran. Entaun ema dehan mos família forte nasaun forte. Família forte iha saida los?. Ha’u kumpriende mak família tenke tulun malu suporta malu hatudu kardade ba malu, hadomin malu, nakloke ba malu, entaun ekonomia bele forte. Kuandu família maka tulun malu suporta malu, sudah pasti ekonomia iha Nasaun ida forte. Tulun malu hanesan saida los iha família ida nia laran?. Tulun malu iha kualkér momentu, liliu edukasaun ba oan sira, kuandu família ida ekonomia fraku rendementu la sustentavel atu suporta selu oan sira nia eskola entaun presisa família seluk nia tulun. Tulun reja ba malu, Timor-Leste ka Nasaun sira hotu iha mundu ne’e mesak maioria iha relijiaun rasik, signifika fiar ba Nain Maromak metin.

Nasaun Timor Leste kuase maioria fiar iha relijiiaun Katólika, iha parte kulturál umanu, Uma Kreda Katólika iha Timor-Leste lapara simu ho dignidade povu tomak nia terus, hodi tau an iha povu nia leet hodi defende sira-nia direitu kdasar. Iha tempu ukun rasik an mós ema sarani bebeik oan sira relijaun Katólika, maske ita la adota relijaun espesial tuir konstituisaun RDTL(lé Konstituisaun RDTL).

Iha família Timor Leste sempre iha oan barak, iha feto ida mane ida sempre hola malu tau oan rua ba leten, bele to’o sanulu, balun karik sedauk sura tan ida ne’ebé kaben ilegas oan subar-subar to’o balun soe bebe iha dalan sira ne’e. maibé ladun suporta malu iha família tanba ne’e afeita ba moral psikolojika umana no social economia família ne’ebé la sustentavel.

Tempu beia ala sira uluk sedauk ekonomia modernu servisu tulun malu sempre iha, maske laos ho osan, dala ruma iha tempu sei ekonoma sosal barter nian. Ita nia beiala sira nia tempu buka atu tulun malu wainhira iha problemas uma laran, hanesan kualkér difikulidade social iha família.

Beialara sira nia tempu, kaundu kaben ona susar atu divórsiu, tanba dotrina edukasaun moral metin, tebes, no kualidade sira seluk tan. Tempu uluk ne’ebé tekonologia ladun iha relasaun humana metin tebes iha família tanba interaksaun social iha família lao bebeik, laiha tekonologia iha liman entaun sira komunikasaun ne’e akontese bebeik.

Tempu agora, kaben lalais divórsiu lalais, soe bebe lalais, individualismu komesa aas, interaksaun social umana menus, tanba telepon iha liman ladún ko’alia ba malu, entaun oinsá família atu tulun malu kuandu laiha interaksaun husi komunikasaun social loron-loron. Realidade ida ne’e esperiénsia ba ita hotu nia família.

Tempu agora uma boot ema ituan mak iha laran. Tempu uluk uma naton simples maibé ema rame hela de’it. Entaun tulun malu lalais iha tempu neba, agora tulun malu menus iha família. Tulun malu menus klaru fo influénsia ba domin karidade iha família ekonomia laburas liután.

Iha problemas barak iha tempu agora, ema moris iha arogánsia, foti an egoismu, gensi, ho hahalok selera tinggi ekonomia lemah. Ema baruk estuda ka le barak, tempu ekonomia global ema moris hanesan ayam potong, bokur laran mamuk.

Ita hare realidade sosiedade civil sira igreja ema barak halo programa gasta osan barak atu hadia konsiensia humana ema nia atu sai ema ne’ebé diak positivu maibé susar tebes. Tanba ne’e problemas iha edukasaun família ladun saudavel, entaun signigika katak, família ladun tulun malu.

Ita nia desempregu aas kuase 9.6%(dadus governu), kia multidimensional 4,8% resin, rendementu família, edukasaun no saude kobre husi dadus refere. Ida ne’e labele dehan governu maibé uma larana família tulun malu ituan ituan pasti iha dalan ruma. Maibé ladun realidade atu tulun malu.

Iha família lahalo kolega ba malu maibé halo kolega ho ema seluk, tuir arte martiais arte rituais hodi sai sosiedade ne’ebé violentu, inan aman susar atu kontrola oan sira nia atividade família masa bodoh ba malu.

Ida ne’e,, kultura lisan, ladun respeita malu da-daun, ema pesimista ba moris, prostituisaun klandestina mosu dadaun, komesa trafiku humanu, perselingkuhan klandestina la’o da-daun, tanb ketidak-puasan social iha família, no kasus social barak mak ita sei la temi. Ita atu fo sala ba se, klaru ita mai husi família ida tenke kontrola malu tulun malu, iha aspeitu social ekonomia moral I spirituál nian.

Ikus mai ita fo sala ba governu, maibé governu kiik liu iha nasaun ida maka família hodi haburas governu boot dadaun ne’e, tanba governu boot ne’e mai husi governu kiik ida ne’ebé fo votus ba demokratikamente, tuir eleisaun kada tinan 5 nia laran.

Família presisa reflesaun loron-loron,  presisa reja servisu estuda. Aprende husi ema seluk. Tulun malu suporta malu, tanba diskriminasaun hahú husi família ida. Kasus incest, soe bebe, violénsia doméstika, divórsiu buras, ekonomia fraku, tanba família ladun suporta malu didiak.

Governu igreja presisa haforsa família didiak liliu formasaun spirituál, morál, no kria empregu hodi kontribui ba hamenus problemas social ne’ebé iha.

Rekoinese katak, problemas social nunka hotu, balun ekonomia diak maibé família ladun hadomin malu, exemplu balun ba eskola ka servisu iha Nasaun seluk, maibé oan sira abandonadu, halo atividade ne’ebé nakonu ho ransu livre tanba inan aman la hamutuk, entaun família sira iha uma ba ne’ebé la kontrola oan sira, tiun-tian maun alin sira ladun fo atensaun ba malu.

Dala barak liu hahalok negativu sira ne’ebé husi família lori ba hatudu fali iha servisu fatin sira. família gosta konta malu gossip malu, iri hati, maibé loron-loron reja ba misa, kontinua attitude negativu.

Entaun edukasaun presisa mos kontrola didiak iha ensino formal sira. solusaun diak besik igreja involve grupu orasaun sira, le Liafuan diak Nain Jesus Cristu nian, estuda barak ho siensia oin-oin hodi haburas mentalidade positivu diak liutan iha futuru mai. Ema matenek Nain sira dehan kuinese ita nia an kuinese Maromak, kuinesem Maromak kuinese ita nia an. Nain Maromak nia milagre akontese uluk mak iha família kuandu família nakonu ho domin no karidade balu hodi tulun malu iha vida social ekonomia spiritual.

Ha’u hakerek to’o iha ne’e lai ne hanesan esperiensia servisu social ne’ebé inspira ha’u atu hakerek, ligadu mos ba reflesaun moris loron-loron.

Obrigadu wain ba le ona. Kolega seluk bele hakerek tan ho títulu seluk.