Lafaek News—Deskonfia Banku Nasional Ultramarinu (BNU) komete Roubaleiro (foti subar) kliente minoridade husi konta poupansa montante $ 424, 76 iha BNU.
Lamentasaun ne’e hatoo husi klientes minoridade nain rua ninia aman rasik ho naran inisial JGL, katak osan ho total osan $ 911,36, iha ne’ebé, ikus mai deskonfia BNU halakon tiha osan hamutuk 424,76 dolar amerikanu la ho esplikasaun.
“Iha 2008 ho 2009, ha’u loke konta bankária poupansa ba ha’u nia oan nain rua nia iha BNU, Iha 2011 saldo soma total hamutuk USD 911,36, Komu labarik sira sei minoridade, entaun sira labele foti osan ne’e to’o 17 anos de idade, saida maka akontese, ohin ha’u ba fali Cek fila-fali ho banku BNU labarik sira nia osan iha konta poupansa ne ‘e hela de’it restu USD 486,6 USD, portantu banku BNU na’ok tiha ho forma illegal ho montante total 424, 76 USD, lamentável,” katak JGL ba lafaek news via whatsaap, sesta (06/01/2022).
JGL dehan, pior liutan osan ne’ebé JGL rasik hakarak print out extratu detalladu konaba osan ne’ebé lakon iha konta poupansa labarik nain rua nian, maibé, Staff ida husi BNU dehan “ami labele Print out ba ita bo’ot, ho razaun tanba labarik sira sei ho idade kiik.
“Estrañu liután maka, ha’u hakarak atu foti osan restu (Saldo restu) ne’e sira dehan fali labarik sira tenke idade 17 mak foin bele foti, maluk Timor oan sira, liu husi meius ida ne’e hakarak partilla informasaun kona-bá Banku BNU nia servisu iha Timor, liu-liu kona-ba Konta poupansa ba ita nia oan sira nian, (Labarik menoridade), osan lakon laiha justifikasaun husi BNU,” JGL lamentavel.
JGL ne’e mos husu ba Banku Sentral Timor-Leste, atu haree didiak BNU ninia komportamentu atu labele iha problema hanesan ne’e, Timor oan sira labele sai vítima ba bebeik ba BNU ninia kobransa ho forma ilegal hanesan ne’e, BNU hakarak wxplora de’it Timor oan sira.
JGL dehan situasaun ida ne’e , Banku BNU hatudu hakarak naok no hakarak explora Kliente minoradade ninian osan momos los iha Konta ba Poupansa, se sei haruka hein to’o labaraik sira 17 anos, entaun osan saldo iha konta poupansa sira BNU na’ok hotu maka atu halo labarik sira foti osan ne’e ka??? enkuantu saldo zero ona?.
“Faktus konkreta hanesan saldo depozitu iha 2011, no Saldo ikus extratu banku iha 2023, tan ne’e husu Timor-oan sira Kuidadu atu sai kliente ba banku BNU, tanbá BNU nia Staff sira transfere na’ok ami nia osan ba iha ema seluk ninia konta Bankaria, BNU ne problema barak, Ba sira nebe maka ninia oan minoridade nia konta bankária iha BNU temke ba chek hela deit se lae osan mohu hotu maka ita foin hakfoda,” osan nain ne’e lamenta.
Entretantu, too notisia ne’e hatun redasaun lafaek news seidauk halo konfirmasaun ho lideransa Banku Nasional Ultramarinu (BNU) kona-ba lamentasaun husi klientes ne’e rasik, redasaun sei halo konfirmasaun ho lideransa BNU hodi halo resposta ba asuntu preukupasaun husi klientes sira.
Jornalista : Acacio Pinto
Editor : Agapito de Deus
