Lafaek News—Bankada Opozisaun Congresu Nasionál Rekonstrusaun Timor (CNRT), Gabriel Soares, prekupa ho situasaun iha iha rai laran hodi dehan COVID-19 ida loos mak Atambua ka COVID-19 foto Kopy mak iha Dili, tanba movimentu komunidade iha Kapitál Dili nian movimentu livre.
“COVID-19 ida loos mak Atambua ka COVID-19 foto Kopy mak iha Dili ne’e ne’ebé ita haree movimentasaun komunidade sirkula iha merkadu loja sira movimentu ida ita haree se karik COVID-19 ne’e ataka agora bele liu minutu de’it ema bele rihun mate hotu,”dehan Deputadu bankada CNRT, Gabriel Soares, iha plenaria PN, 26/01/2021.
Nia dehan, situasaun covid-19, iha Timor Leste panas-panas ayam de’iy, maibé tuir mai malirin tiha fali, maske goveru deside taka eskola hotu, maibé ikus mai deside loke fila-fali kestaun seluk kazu virus ne’e aumenta ona pozitivu 17.
“Kona-ba COVID-19 nian ita Timor ne’e panas panas ayam primeiru ne’e ita manas segundu malirin, no eskola fronteira ita taka ona, tanba COVID-19 iha nasaun viziñu Atambua maibé tan la haree rai laran ne’ebé agora dadaun pozitivu aumenta, Ita la haree agora dadauk pozitivu ka negativu iha Dili ne’e barak agora dadauk ministériu saúde anunsiu katak agora dadaun iha ona pozitivu 17 ita deside taka tiha eskola sira iha fronteira ne’e mas ita la tau atensaun máximu ba Dili laran ne’e,” Gabriel kestiona.
Tanba ne’e, reprezentante povu ne’e husu mós ba governu atu atua didiak situasaun refere iha Timor Leste, liu-liu situasaun movientasaun iha sidade Dili des-organizadu.
“PNTL sempre pasa revista ba komunidade sira maibé ikus ikus ne’e la iha ona husik komunidade la’o avontade,” dehan deputadu
Hatan ba preokupasaun Ministériu Asuntu Parlamentár no Komunikasaun Sosiál(MaPKoMS), Francisco Jeronimo, hateten, la’ós governu la tau atensaun movimentu populasaun iha kapitál Dili, maibé ida ne’e hotu hotu nia desizaun hakarak lori fila maluk Timor sira mai fali ne’e mak ita simu kazu importadu
“la’ós governu la halo atuasaun ba movimentasaun komunidade iha kapitál Dili, maibé governu kontinua mitiga nafatin situasaun ida-ne’e no buat ne’ebé mak governu halo ona iha situasaun sira uluk katak halo prevensaun ba ita nia an liuhusi uza nafatin maskra, distansiamentu sosiál, tanba ita hanesan sidadaun ita tenke kumpre ita nia dever la’ós loron loron hein orden mak foin kumpre ne mós la loos,” dehan MAPKOMS.
Jornalista : Egidio Nono
Editora : Nelya Barros
