Lafaek News–Brigadeiru Jeneral, João Miranda “Aluk” informa, da-daun ne’e iha formasaun ekipa foun servisu hamutuk Sentru Integradu Jestaun Krije (SIJK) hodi akompaña permanentemente kona-ba situasaun pandemia no-mós kontrola entradas no saidas husi rai, tasi ho lalehan.
Sentru Integradu Jestaun Krije, hanesan imi hotu hatene katak sentru ida ne’ebé mak atu apoiu diretamente ba sua exelénsia Primeiru Ministru liu-liu ba asuntus ne’ebé ligadu ho krijes nian,” dehan Brigadeiru Aluk hafoin remata enkontru ho PM Taur Matan Ruak iha Palasiu Governu Dili, tersa (25/01/2022).
Enkuantu ekipa sira ne’ebé servisu hamutuk ho SIJK, kompostu husi Polisia Nasionál Timor-Leste (PNTL), Forsas Armadas, Ministériu Saúde, imigrasaun no seluk tan.
Foin lalais pandemia ne’e ami akomula hotu ida ne’e mais depois de governu halo rezolusaun hodi kansela tiha Estadu Emerjénsia, buat sira ne’e hotu ami fila fali ba atividade normal ne’ebé ohin ami halo,” informa Nia.
Jornalista : Juvita dos Santos
Editor : Agapito de Deus
