Lafaek News – Universidade Oriental Timor Lorosae ( UNITAL ) liu husi Fakuldade Agrikultura Departamentu Peskas Instala laboràtorium peskaz iha UNTAL hodi sai fatin Peskiza ba estudante sira iha UNITAL .
“Prosesu ka planu ba kria peskas ida ne’e ami nia Departementu nia inisiativa mak dirije ba Universidade hamosu laboratoriu pezkas ida ne’e, objetivu atu estudante sira uza pratika”Informa estudante Jacob da Costa Pereira ba Lafaekbnews iha UNITAL Sesta-Feira 09/07/2021.
Jacob esplika UNITAL kria aquares biokrot tolu, kolam tanke neen(6), no nia fini ne’e foti husi sentru viverus Gleno ne’e mono cek, non monocek foti husi Institutu Nasional Peska Agrikultura Maubara, no hahan sira atu fo ikan ne’e mai husi hare u’ut, trigu,ikan trii.
” MAP ajuda mòs ami, tanba ne’e la mate de’it iha ne’e maibè halo natural fali iha ne’e hodi hakiak ho ikan tolun no hadia muda tuir etapa ba kolam boot nian too ami bele kolleta no faan kan fini ne’ebè antes iha hamutuk (20) Ikan inan (10) ikan aman (10) ne’ebè lori husi sentru vivereirus gleno no mòs ikan ne’ebè kiik mai husi Maubara.“ dehan Jacob .
Entertantu Dekanu Fakuldade Agrikultura UNITAL Romaldo da Costa Ximenes hatutan funsaun husi laboratorium Peskiza nia funsaun mak estudante sira atu usa ba peskiza inklui mos dosente sira.
“Laboràtorium nia funsaun atu estudante sira bele halo peskiza, laos de’it estudante sira maibè ba mòs dosente balun ne’ebe iha ligasaun ho peskiza, tanbà ne’e mak ita estabelese laboràtoriun ida ne’e atu estudante sira labele hetan de’it teoria maibe tenki iha pratika”dehan Dekanu Faluldade argikultura Ba Lafaeknews iha nia kna’ar fatin UNITAL hafoin inagura laboratorium Peskas iha UNITAL .
Dekanu ne’e mos esplika durante ne’e halo mòs parseiru Ministeriu agrikultura ohin sira nia prezensa hanesan motivasaun ida atu hatudu katak durante harii Departemntu ne’e laos mesak iha ligasaun ho Ministèriu agrikultura nia apoiu maka konsege estabele laboratoriun ba Peska .
Parte seluk Xefe Gabinete Ministeriu Agrikultura Pezkas Ancelmo Gusmão Ximenes realisa katak Ministeriu agrikultura mai haree direta, tanba husi diresaun jeral peskas nian apoiu fini ba Universidade hodi ikus mai sira konsege Kria laboratorium peska.
” fulan hirak ba kotuk hasoru malu ona ho estrutura Universidade nian hodi servisu hamutuk liu-liu in area agrikultura nian no sei kotinua fila fali asina MOU atu koperasaun ba oin diak liu tan ” afirma Xefe Gabinete Ministerio Agrikultura no Peskas.
Observasaun Lafaeknews Laboratorium Peskas hosi Departamentu UNITAL kria ne’e hetan Inagurasaun husi xefe Gabinete Ministeriu Agrikultura Pezkas, Ancelmo Gusmão Ximenes, Ministru asuntu Parlamentares no Komunikasaun Sosial,Francisco Martins da Costa Pereira Jerónimo,kua fita no partisipa mos hosi ,Vice Ministru Edukasaun no Juventude desportu António Guterres, Vice Ministru Justica, José Edmundo Caetano no Sekretario estadu Juventude Desportu, Abrão Saldanha, Inagura mos kampu Multi Funsaun , Klika UNITAL no Radio Akademia UNITAL.
Jornalista : João da Costa Soares
Editór : Acacio Pinto
