Lafaek News—Deputada bankada Partidu Demokrátiku(PD) Elvina Sousa, hatete, husu ba Ministru Asuntu Parlamentar no Komunikasaun (MAPKOMS), presiza tradutór lian jestual ba ema ho difisiente tilun, ko’alia, atu nune’e asesu mós ba debate Orsamentu Jerál Estadu(OJE), 2021 nian
“Husu ba Ministru Asuntu Parlamentar no Komunikasaun atu bele fo klarifikasaun í se bele ita komesa ona ho tradutór lian jestual iha debate OJE 2021 nian ne’e tanba povu presiza akompaña liu-liu ba ho difisiente ko’alia, no rona atu nune’e sir abele asesu ba debate orsamentu jerál estadu 2021,”kestiona Elvina, iha ambitu proposta OJE 2021 iha faze jeneralidade, 30/11/2020
Hatan ba preukupasaun ne’e Prezidente Parlamentu nasionál Aniceto Guterres, hatete, sujestaun ne’e enkamiña ba Ministru Asuntu Parlamentar no Komunikasaun(MAPKOMS) mak bele responde kona-ba sujestaun refere.
“Obrigadu ne’e sujestaun di’ak maibé ne’e ha’u enkamia direita ba MAPKOMS karik bele ajuda ba ita boot nia sujestaun ne’e mas la’os atu responde kedas ohin,”dehan MAPKOMS, Francisco Jerónimo, iha ámbitu, debate proposta OJE 2021 iha faze jeneralidade, 30/11/2020.
Enkuantu iha, Proposta OJE 2021 ho montante hamutuk billaun $1.895 kompostu husi salariu vensimentu millaun $239,26, bens servisu $millaun $4211,49, transferénsia publika millaun $669,91, kapitál minor millaun $61,14 no kapital dezenvolvimentu millaun $503,20
Entretantu, too notisia ne’e hatu parte redasaun lafaek news seidauk halo konfirmasaun ho Ministériu Asuntu Parlamentár no Komunikasaun Sosiál (MAPKOMS), atu bele responde preukupasaun deputada Elvina Sousa nian kona-ba tradutór lian jestual ba ema defisiénsia lian sira.
Jornalista : Egidio da C. T. Nono
Editora : Nelya Barros
