SAÚDE · 16 Mar 2021 09:18 ·

COVID-19, MS Rejista Tan Kazu Pozitivu Foun 5, Atuál Pasiente Sa’e Ba 104


COVID-19, MS Rejista Tan Kazu Pozitivu Foun 5, Atuál Pasiente Sa’e Ba 104 Perbesar

Lafaek News-Kordenadór Forsa Tarefa ba Prevensaun Surtu Covid-19, Rui Maria de Araújo, informa, Ekipa Saúde deteta tan kazu pozitivu foun hamutuk na’in 5 iha Dili, sira na’in Lima (5) ne’e, rua (2) Iha sintomátiku, no na’in tolu (3) seluk asintomátiku, totál pasiente ativu sa’e ba 104.

“Kazu na’in 5 ohin, iha mane na’in 2, feto na’in 3, husi na’in 5 ne’e na’in ida ho idade 11, no na’in 4, ho idade entre 32-42, sira na’in lima ne’e na’in rua Iha sintomátiku, no sira na’in 3 seluk asintomátiku,”esplika kordenadór forsa tarefas ba prevensaun no mitigasaun surtu covid-19, Rui Maria de Araújo, na jornalista sira liu husi Meeting Zoom, Tersa (16/03/2021)

Enkuantu husi 1 de Janeiro 2021 mai to’o agora, iha 11% husi kazudetetadu maka hatudu sintomas, maibé sintoma ne’ebé lizeiru no seidauk iha ema ida maka presizaoksizéniu ka suporta respiratóriu seluk, esplika Rui

Kordenadór ne’e afirma, istoria Kazu foun 5 ne’e iha hotu Munisípiu Dili, ho detalla hanesan tuir mai; Kazu pozitivu 1, husi Aldeia Terra Santa, Suku Madohi, Postu Administrativu Dom Aleixo, Kazu ne’e kontaktu-besik iha uma-laran husi cluster BTN II ne’ebé deteta iha dia 7 de Marsu, ninia teste primeiru negativu, hafoin halo tiha kuarentena, pozitivu iha segundu teste, horiseik

Nia afirma tan, Kazu pozitivu 1, husi Aldeia 05, Suku Fatuhada, Postu Administrativu Dom Aleixo, Pozitivu ida ne’e kontaktu-besik ho kazu konfirmadu husi Cluster SEFOPE, Kazu ida-ne’e profisionál saúde ida iha HNGV, unidade hemodiálize nia hahú iha sintomas lizeirus iha dia 11 de Marsu, hafoin iha dia 15 de Marsu, halo teste, no hatudu pozitivu.

Rui salienta, Kazu pozitivu 2, husi Aldeia 20 de Setembro, Suku Bebonuk, Postu Administrativu Dom Aleixo, Pozitivu hirak ne’e iha kontaktu-besik ho kazu pozitivu iha cluster hanesan, husi mós pozitivu na’in rua ne’e maka hamosu cluster ida iha Baucau, Wailili, ne’ebé anunsía loron rua liu-bá no Kazu pozitivu 1, husiAldeia Avansa, Suku Bairro Pite, Postu Administrativu DomAleixo. Pozitivu ida-ne’e kontaktu besik husi kazu pozitivu iha cluster Aldeia 4 de Setembru, ne’ebé hetan da’et husi nia la’en ne’ebé servisu iha MTK, enkuantu husi kazu detetadu ka pozitivu iha Munisípiu Dili husi dia 7de Marsu to’o ohin, hamutuk hotu 77.

“Husi kazu detetadu ka pozitivu iha Munisípiu Dili husi dia 7de Marsu to’o ohin, hamutuk hotu 77, no Kazu detetadu 77 iha Dili ne’e, fahe ba cluster 23, namkari iha instituisaun 3, eventu 1 no Suku 7 iha Postu Administrativu D.Aleixo, no mos Postu Administrativu VeraCruz,” dehan nia.

Dadus jerál Covid-19 ba loron ohin 16/03/2021 nian, Kazu foun ohin 5, Kazu rekuperadu: 0, no Kazu ativu 104.

 

Jornalista  : Sandi Belo
Editór         : Egidio Nono

1,254 Views
Artikel ini telah dibaca 10 kali

Baca Lainnya

Kazu HIV/SIDA Sa’e ba 1996 Mate 300 ” Joven Kontrola An”

23 April 2024 - 18:43

UNICEF  Realiza Workshop Nasional Be’e Mo’os Saneamentu No Kuidadu Saúde

23 April 2024 - 09:53

Horta Rona Krítika, Vizita Kedan HNGV Hodi Observa Mákina Fase Ran

20 December 2023 - 16:07

Eventu Car Free Day importante ba Saúde no Ambiente

27 November 2023 - 01:15

MS Komemora Loron Mundiál Saúde Matan  

13 October 2023 - 17:42

Alemaña Apoiu Mákina Sonográfia Ida ba CVTL Halo Servisu Saúde

11 October 2023 - 03:48

Trending di SAÚDE