Lafaek News – Prezidente komite 12 Novembru, Grigório Saldanha, hateten, joven uluk no ohin loron diferente, presiza hametin espíritu unidade hanesan juventude loriku aswain ne’ebé uluk luta ba libertasaun nasionál.
“Jerasaun agora fo influénsia mudansa siénsia no ambiente diferente buat sira ne’e hotu ita presiza hanesan ami no maun veteranu sira iha obrigasaun atu ko’alia nafatin ba joven sira,” dehan Presidenti komite 12 novembru ba jornalista sira hafoin iha salaun FFTL “xanana sport center”, kampu Demokrasia, tersa, (10/11/2020).
Nia dehan, ho espíritu sólidu ne’e presiza badinas haree malu di’ak no kuidadu malu, hadomi malu, respeitu malu no ko’alia étika ba malu hodi atu iha valores iha diferensa, uluk luta ba liberta rai no agora atu prienxe ba dezenvolvimentu.
“Ami hanesan testemunu ba pasajen ne’ebe husi uluk to’o mai agora ami iha obrigasaun atu fo nafatin, ami halo dala ruma seidauk diak hotu presija hadiah nafatin tanba ita sei moris ita nia obrigasaun moris nafatin, ne’ebe ami halo nafatin tanba obrigasaun,” dehan prezidente.
Nia dehan, kuandu mate ona maka responsabilidade hotu maibé seidauk atu koalia nafatin ho jovens sira hotu katak tenke unidade nafatin iha pais timor leste.
“Timor presiza unidade hadomi malu no respeitu malu, no mos servisu kualidade tenke estuda, badinas servisu makas atu lori mudansa ba oin, se povu moris ladiak nafatin, indepedensia seidauk kompletu, tan ne’e servisu nafatin ba povu moris diak,” nia informa.
Jornslista : Etelvina Sarmento
Editora : Nelya Barros
