Lafaek News—Deputadu bankada opozisaun Congresu Nasionál Rekontrusaun Timor(CNRT) preokupa fasilidade ba fatin Maka (kama) ba pasiente iha Ospitál Nasionál Guido Valadares, menus tanba pasiente barak tebes no maka sira agora tau de’it iha liur
“Pasiente ne’ebé maka agora baixa iha Ospitál (HNGV) ne’e problema boot, iha ne’ebá ne’e ema baixa barak tebes, no sira nia fatin ka MAKA ne’ebé iha agora tau de’it iha li’ur ona,”dehan deputadu Gabriel Soares, iha plenaria, tersa 26/01/2021.
Reprezentante povu ne’e mós husu ba Minstériu Saúde atu toma atensaun ba situasaun iha HNGV hodi bele solusiona lalais problema refere.
Enkuantu hatán, ba preokupasaun ne’e, Ministériu Asuntu Parlamentár no Komunikasaun Sosiál (MapKomS), Francisco Jerónimo, hateten kona-ba asuntu refere governante sei hato’o ba ministériu relevante hodi haree asuntu ne’e.
“kona-ba asuntu ne’e ha’u sei ba hato’o ministériu relevante hodi responde ba kestaun refere,” dehan MapKomS
Jornalista : Egidio Nono
Editora : Nelya Barros
