Lafaek News—Planu rekrutamentu militár obrigatóriu ba joven sira ho idade 18 tenke tama ona militár, nune’e Prezidente Bankada Kongresu Nasionál Rekonstrusaun Timor (CNRT) Duarte Nunes, konsidera sei hamosu problema boot no sidadaun sira bele halo reklamasaun.
“Ita haree ba planu rekrutamentu militár obrigatóriu ne’e ita tenke haree ba kapasidade atu akomoda joven sira ne’ebé halo tinan 18 anos ne ka lae, ha’u haree sei hamosu problema boot tanba se ita dehan 600 de’it, ita hatene 2021 ema 600 de’it mak tama obrigatóriu mai? no sira seluk ne’e la iha kapasidade? ida ne’e ema bele reklama,”dehan Duarte Nunes, iha fatin bankada CNRT iha PN, sesta (06/11/2020)
Deputadu ne’e reforsa, kona-ba ida ne’e iha parte seluk mós bele pozitivu, tanba oinsá atu loke empregu ba joven sira, maibé kuandu obrigatóriu ne’e sei iha situasaun ne’ebé implikasaun ba kustu ne’e, sekarik liu tiha 600 entaun nia impaktu mak tenke adia fali ba tinan oin, ne’e presiza esplikasaun.
Jornalista : Egidio Nono
Editora : Nelya Barros
