Lafaek News–Diretor Komisaun Nasionál Eleisoens (CNE) munispiu Bobonaro, Juvito Ramos, informa CNE trieste ekipa susesu kampañia partidu FRETILIN hasai lia-fuan insulta malu durante iha munisípiu Bobonaru tuir lolos ko’alia programa kandidatu nian hodi konvense no eduka militantes hotu.
Diretor Komisaun Nasionál Eleisoens (CNE) Munispiu Bobonaro Juvito Ramos hatoo kestaun ne’e bainhira halo observasaun kampañia dahaat kandidatu númeru sorteiu 6 Francisco Guterres Lú Olo iha munispiu Bobonaru kampu Futebol Ginaziu Maliana sábadu ne’e semana ne’e.
Ha’u hanoin kampania ne’e la’o ho di’ak, maibe ohin ita hotu akompania iha ne’e, sira-nia ekipa susesu ne’ebé sai hanesan juri, iha liafuan ne’ebé insulta malu, I iha liafuan balun sira ko’alia pasadu ne’ebé akontese iha pasadu ohin sira fó sai iha ne’e, ida ne’e mak ha’u sente hanesan supervizaun ami triste uituan ho interven tanba buat ne’ebé la merese sira atu ko’alia iha palku polítika hanesan kampaña eleitoral sira ko’alia”, dehan Diretor CNE Munispiu Bobonaro, Juvito Ramos iha kampu Futebol Gináziu Maliana Sabadu ( 05/03/2022).
Tuir Diretor CNE akresenta, lolos agora ne’e ko’alia kumprimisu saida mak atu halo, bainhira kandidatu ida ninia direitu sai hanesan Prezidente Repúblika, maibé ohin materia kampañia ne’e ko’alia kona-ba asuntu trata malu de’it.
Sira la ko’alia kumprimisu ohin ko’alia istória pasadu ne’ebé problema nian, sira insulta hanesan ohin, e ami alista ami sei informa ba ami-nia direjente sira para haree asuntu ida ne’e, mai kampania ne’e atu hato’o de’it kumprimisiu polítiku la’ós mai atu insulta malu”, dehan Diretor CNE Juvito.
Iha fatin hanesan Ofisiál monitorizasaun ba eleisaun prezidensiál, provedoria Direitus Humanus Justisa (PDHJ), Antonio da Costa haktuir, observsaun PDHJ tarde nune’e la haree kona-ba lider FRETILIN nian balu ko’alia insulta malu, maibé tuir PDHJ nia haree durante kandidatu número sorteiu 6 diskursu di’ak,oinsa mak nia atu halo bainhira sai PR iha períodu tuir mai.
Ohin ami mai tarde ituan, la haree kona-ba iha lider FRETILIN nian balu ko’alia insulta malu, maibé tuir PDHJ nia haree durante kampania partidu FRETILIN nian kandidatu nia diskursu di’ak,oinsá mak nia atu halo bainhira sai Prezidente Repúblika períodu tuir mai”, dehan PDHJ Antonio da Costa hafoin kampania FRETILIN nia iha Munispiu Bobonaro.
Jornalista : Rita Moniz
Editor : Agapito de Deus
