Lafaek News—Sekretaria Comisaun Nasional Eleisoens, Comisária Odete Maria Belo, haktuir CNE nu’udar orgaun supervisor sei hala’o servisu lubun hodi garante eleisaun parlamentar 2023.
“CNE hanesan orgaun supervizor sei halo atividade lubuk ida hodi garante eleisaun parlamentar ne’e, tanba ne’e mak CNE sei hala’o supervizor no resensiamentu hodi kontrola teritoriu tomak,” Comisária Odete Maria Belo ba jornalista sira iha CNE kaikoli foin lalais.
Tuir lei parlamentar númeru 9/2017 iha artigu 18 hateten, STAE tenki hala’o publikasaun ba kalendáriu operasional eleisaun parlamentar antes halo data markasaun iha loron 13 to’o 21 fulan Maiu iha loron 8 nia laran no STAE halo pùblikasaun iha jornal da repúblika ho ida ne’e STAE halo aprezentasaun ba CNE atu bele hetan kolaborasaun ho di’ak.
CNE Hala’o mos supervizaun ba rekrutamentu brigadas no polling staff sira ne’ebé STAE la’o hela hala’o mos enkontru no workshop ba funsionáriu CNE sira atu ko’alia kona-ba dezafiu hirak ne’ebé parte iha eleisaun ninian tenki prepara an melhora di’ak liután supervizaun CNE nian.
Entretantu, Partidus Polítikus hirak ne’ebé preparadu atu kompete iha eleisaun parlamentár 2023 kompostu husi APMT, KHUNTO, PST, CNRT, PDRT, UDT, PDC, MLPM, PLP, UNDERTIM, PUDD, PTD, FRENTE-MUDANSA, PSD, C-ASDT, PND, FRETILIN, PNDA, , Partidu Verdes de Timor no PLPA no iha partidus balun ne’ebé la kompete iha eleisaun parlamentár mak, KOTA, ASDT, PTT, PNT, PUN, PDL, PARENTIL no Trabalhista.
Odete argumenta, CNE hala’o preparasaun ba eleisaun parlamentár no koopera ho parte Igreja hala’o orasaun hodi asegura ba prosesu eleisaun liu husi data ne’ebé xefe estadu dekreta ona iha loron domingu 21 Maio tinan 2023, hodi la’o ho susesu.
“Liu husi preparasaun ba eleisaun parlamentar CNE hala’o koperasaun no parte igreja hodi hala’o orasaun domingu, domingu atu bele asegura prosesu eleisaun ne’e, maibé la’os liu husi orasaun ne’e la bele mosu problema ruma, maibé fiar nu’udar ema katolika tenki husu na’in nia tulun, bainhira hala’o prossesu ruma, maibe koalia kona-ba antisipasaun ba eleisaun fila fali ema ida-idak nia karakter rasik,” Odete hakotu.
Jornalista : Adolfina Soares
Editor : Aniceto Dias
