Lafaek News–Komisaun Nasionál Eleisaun (CNE) munisípiu Lautém, tersa (23/02/22) realiza atividade kultural nahe biti boot ho tema paktu eleisaun pasífiku liu husi kultura atu promove paz no unidade iha eleisaun prezidensiál 2022.
Iha serimonia kultural oho maun hodi hasai nia ten hodi haree sinal ne’ebé sei hatudu liu husi manu urat, felizmente urat hatudu sinal di’ak signifika estabilidade iha Lautem kuda metin ona maske ida-idak simpatia ba partidu ne’ebé diferensia.
Komisáriu CNE Lautém, Olavionda Costa Monteiro Almeida, esplika objetivu husi serimonia ritual ho paktu unidade nasionál atu hanoin ida de’it ba kandidatura sira no sidadaun sira tuir kultura hodi unifika pas no estabilidade iha Lautem.
Bele hanoin ne’e la hanesan, ita nia identidade kulturál dala ruma diferente, maibé ho buat ida kultura bele tau ita hamutuk hodi bele rona malu hodi bele fo fiar ba malu, iha ita nia sosiedade tanba ne’e komisaun nasionál adopta mekanizmu no medidas ida bele tau hamutuk diferensa sira ne’e,” katak lider CNE Lautem ne’e.
Iha diálogu realiza iha Sentru Kultura Munisipiu Lautém, CNE konvida lia-nain husi postu administrativu neen iha Munisípiu Lautem nian kompostu husi postu Iliomar, Lautém, Lore, Luru, Tutuala no Lospalos, hamulak kuda dame iha Lautém durante kamapañia to eleisaun prezidensiál 2022.
Jornalista : CE. Lautém
Editor : Agapito de Deus
