Lafaek News–Foinsa’e Milénial Progresivu (FMP) husi munisipiu 12 Inklui rejiaun adminitrativu Especial Oe-kusse Ambeno (RAEOA) Deklara fo apoiu ba Kandidatu Independente Prezidente Repúblika Constâncio Pinto” Terus” ba Periodu 2022-2027.
Tuir Postavoz Juventude Foinsa’e Milénial, Abril Gonçalves dos Santos hateten, Joven nu’udar autor ba dezenvolvimentu nasaun no povu nian, tan ne’e lori naran juventude milénial progresivu halibur hamutuk hodi apela ba maluk Juventude sira namkari iha Timor laran atu hamutuk fo apoiu tomak ba Kandidatu Embaixador Constâncio Pinto ho kódigu “Terus” nu’udar kandidatu independente ba Prezidente Repúblika.
Ami Foinsa’e Milenial ohin publikamente deklara hakarak fo apoiu ba kandidatura Prezidente Repúblika Embaixador Constâancio Pinto, hanesan diplomata senior ne’ebé ho idade produtivu tebes no espíritu Nasionalismu no Patriotismu ida ne’ebé bo’ot ba rai Timor Leste”, Informa Abril husi Konferénsia Impreza Iha rezidénsia Kandidatura Constâncio Pinto hudi laran, Sesta (25/02/2022).
Kandidatu independente hahú iha tempu luta hasoru invazaun Indonésia nu’udar Sekretariu Excekutivu Klandestina nian hodi propoin ba Komandante ein Xefe Kay Rala Xanana Gusmão atu bele autoriza nia hodi manifesta pasífiku 12 Novembru 1991 hodi sai tiha Masakre Santa Kruz no ikus mai rekonese nu’udar loron nasional Juventude loriku Asuwain.
Ami foin sa’e Milénial nia haree no observa Kandidatu Constâncio Pinto iha kapasidade ne’ebé merese liu, tanba kandidatura Independente ne’e hanesan lider rezisténsia ne’ebé inklina aan ona, husi rede klandistina ho idade 14 hodi halo ligasaun ho rede klandistina sira hanesan Kay Rala xanana no seluk tan,’’ nia Informa.
Nia hatutan, husi parte Foinsa’e nia haree no observa katak kandidatu ne’e hanesan diplomata ne’ebe ho idade produtivu tebes no iha esperensia hanesan embaixador ba Estadu unidus amerika no kobre ona nasaun Kanada, México no Kuba no nasaun seluk tan.
Tanba ne’e mak ami Foinsa’e laiha dúvida ona ninia kapasidade iha area diplomasia no hetan fiar husi nasaun Jigante sira hanesan CPLP, g7+ no Rejiaun sira iha Asiátiku nian no seluk, ne’e atu hamorin Timor nia naran iha mundo”, nia esplika.
Jornalista : João Soares
Editor : Agapito de Deus
