Lafaek News–Anin boot ne’ebé akontese kuaze loron rua iha Lautém afeta aitohar hanehan uma komunidade nian ida estragus total iha aldeia Lospala suku Fuiluro postu administraivu Lospalos munisípiu Lautém
Komunidade Boban Sees Lopes hanesan vítima ba dezastre natureza ne’e informa ba jornalista sira iha nia hela fatin katak fenómena anin boot ne’e mosu iha tuku 9 dader sesta (25/02/22). https://lafaeknews.tl/Uma-Kain-10-Hetan-Estragus-Husi-Anin-Boot/
Akontesimentu ne’e akontese ha’u nia oan nain 4 tur nonton hela iha uma laran mak nia tohar kedas ba uma leten hodi estraga sasán uma laran barak maibé ha’u nia oan sira di’ak hotu, nu ne’e tohar ha’u ho ha’u nia kaben sai hotu ba servisu labarik kiik sira mak iha uma nu tohar no hanehann uma no vijinu sira mak mai lori sai ha’u nia oan sira husi uma laran ha’u nia oan sira ho kondisaun di’ak hela,” Lopes afirma
Nia haktuir mós xefe aldeia mós to ona iha nia uma hodi hare no parte bomberus to kedas hodi koa sai ai ne’ebé mak tohar hanehan komunidade ne’e ninia uma, maibé iha akontesimentu ne’e la rezulta ema ruma mate no kanek todan.
Ha’u hato ona ba xefe aldeia hodi hato’o ba autoridade kompetente atu ajuda ha’u ho emerjensia, tanba agora ha’u nia hela fatin laiha no orsda kalan ha’u ho ha’u nia oan sira ba toba iha vijinu sira nia uma tanba ha’u nia uma estraga totál husi nu ne’ebé mak tohar,’’ katak vítima ne’e.
Entretantu, komunidade afetadu ne’e katak nia parte sei ko’alia ho Nu’u-nain hodi tesi nu’u ne’ebé hun ne’ebe besik uma oin, atu labele ameasa estraga bainhira mosu anin ho udan boot.
Jornalista : CE. Lautem
Editor : Agapito de Deus
