Lafaek News—Centro Nacional Chega (CNC) servisu hamutuk ho Ministériu Ensinu Superior Siénsia no Kultura(MESSK), kuarta 28/02/2025 ofisialmente lansa livru módulu Centru Chega ne’ebe hetan apoiu husi Governu Alemaña hodi atribui ba reitor universitariu sira hafoin CNC prenxe ba kuríkulu ensinu superior tinan 2025 atu prezerva istória.
Diretor CNC Hugo Maria Fernandes informa huis lansamentu modullu chega ne’e, CNC servisu hamutukho MESSK ne’ebé iha polítika ba ajustamentu materia istóriku iha kurikulu, instituisaun ensinu superior hotu-hotu iha TL.
“Importante tebes ba rai Timor nia Oan tenki hatene konta istória, dala barak ema konta istória ne’e ho lo-los tamba ne’e mak Centro Chega iha inisiativu di’ak servisu hamutuk ho MESSK, halo modulu ida ne’ebé hetan apoiu husi governu Alamaña, livru módulu Chega hafoin estudante universitariu sira konsiente katak materia istória direitus humanus, e justisa tranzitóriu no estudu ba dame nia importánsia iha prosesu aprendezajen no kontrebui ba dezenvolvimentu nasional.
Fatin hanesan Ministru Ensino Superior Siénsia no Kultura (MESSK), José da Costa Pereira Jerónimo, konfesa MESSK servisu hamutuk ho CNC atu fahe modulu produs TL nia istória ba estudante nivel universitaria ho intensaun fundamental mak kontinua prezerva istoria Timor Leste nian no razaun seluk joven barak mak la hatene didi’ak lala’ok Timor nia prosesu libertasaun nasional.
” Ohin ita hahú distrebui ba reitor sira, ita mo’os tau iha kuríkulu nasional ensinu superior tinan ida ne’e, ita bele introdús istória ba joven nivel universitaria, tanba ita la haten ita nia joven barak la hatene istória Timor-Leste nian istória ne’e ita hahu iha 192,”afirma José da Costa Pereira Jerónimo
Governante ne’e reforsa, atu hametin institusional tenke harii kapasidade ba estudante universitáriu hodi hatene istória Timor-Leste periodu 1974-1999 liu husi modolu produs TL no kuríkulu nasional ensinu superior tinan 2025.
Observasaun jornalista Lafaek News nota iha konferensia ne’e hetan partisipa husi diretór ezekutivu CNC, Ministeiru Ensino Superior Siénsia no Kultura, reitor universidade ho estudantes sira.
Jornalista Magan : Natalia de Jesus
Editor : Agapito de Deus
