Lafaek News—(Dili, 04 Marsu 2024) – Centro Nacional Chega!I.P liu husi Divizaun Peskiza no Arkivu Istoriku (DPAI) fo formasaun ba Jestór Muséu Memorial Munisípiu (MMM) 4 mak hanesan, Muséu Memorial Munisípiu Aileu (MMMA), Muséu Memorial Munisípiu Viqueque (MMMV), Muséu Munisípiu Covalima (MMMC) no Muséu Memorial Munisípiu Bobonaro (MMMB), ne’ebé realiza iha Salaun Konferensia Centro Nacional Chega!I.P, Antigo Comarca Balide-Dili.
Objetivu Prinsipal husi formasaun ne’e mak atu hasa’e sira nia koñesementu no abilidade kona-ba dokumentasaun memoria istóriku, prezervasaun dokumentu istoriku no Tour Guide. Tema ba formasaun mak “Jestaun Muséu” ne’ebé sei realiza durante loron 4 hahú husi (04-08 Marsu 2024).
Formasaun ne’e halo atu responde ba objetivu estabelesementu Muséu Memorial Munisípiu nian mak; Ida, atu disponibilzia no prezerva dokumentu istóriku violasaun direitu umanu periodu1974-1999. Rua, fasilita informasaun kona-ba istoria pasadu ba publiku liuliu istoria komunidade munisípiu nian. Tolu, Sai sentru aprendizajen kona-ba paz, justisa no direitu umanu. Haat, nu’udar referensia istóriku ba peskizadór sira. Lima, espasu reflesaun kona-ba memoria pasadu.
Alende ne’e, formasaun ne’e mos atu responde ba servisu Jestór Muséu Memorial Munisípiu 4 nian mak halo dokumentasaun ba memoria istóriku sira, prezerva no disemina informasaun kona-ba memoria pasadu ba publiku hodi hamosu komprensaun komun oinsá utiliza memoria istóriku nu’udar lisaun aprendisajen atu la repete fila-fali violénsia pasadu nian.
Entaun, ho formasaun ba jestór sira sai hanesan parte importante ne’ebé mak responsabiliza husi Centro Chegall.P, ne’ebé deskreve katak Centro Chegall.P sei halo akompañamentu ba Jestór muséu durante tinan 2 hodi integra iha estrutura munisipal” antes atu realiza integrasaun ida ne’e, presiza haforsa koñesementu no abilidade sira liga ba responsabilidade ne’ebé mak jestór sira asumi.
Enkuantu, Centro Chega! iha tinan 2021 to’o 2023, estabalese ona muzeu memorial hat (4), kompostu husi Muséu Memorial Munisípiu de Aileu. Muséu Memorial Munisípiu de Bobonaro. Muséu Memoria Munisípiu Covalima no Muséu Memoria Munisípiu Viqueque.
