Lafaek News–iha Quarta feira 25 /02/2026, Centro Nacional Chega! Impresa Pública (CNC. I.P-sigla Portugés) apoiu rihun rua-nulu resin lima ($25.000O) ho montante hanesan ba Asosiasaun Vítima, no Asosiasaun Eis Prizoneiru Polítiku (ASSEPPOL) no rihun sanulu resin hitu ($17.000) ba Organizasaun Feto Sobrevivente (PIRILAMPU) atu finansia sira nia programa atendimentu vítima sira iha tinan 2026.
Apoiu orsamentu ba instituisaun tolu ne’e liu husi asina memorandu entindimentu ida iha Sala konferensia CNC Antigu Komarka Balide Dili
Diretor Ezekutivu Centro Nacional Chega, Hugo Maria Fernandes hateten asina memorandu ho pirilampu ba tinan 4 mai no Asosiasaun Vítima tinan 4 ona, akordu ba servisu hamutuk ne’e atu implementa ba atividades ne’ebé sira planeia ona ba tinan ida ne’e nian.
“Apoiu ne’e iha forma rua mak hanesan apoiu tekniku oinsa maka integra programa sira cnc nian hamutuk ho atividade sira ne’ebé mak mai husi organizasaun tolu ne’e ninian, halo servisu kordenasaun, iha edifisiu Nasional iha mos tetenu, oinsa mak tulun malu fahe eaperensia apoiu ne’ebé mak mai husi parte hotu-hotu. Ami aprende husi Asosiasaun Vítima, aprende husi asepol, aprende husi pirilapu tamba sira mak ligasaun direita ho Vítima sira no apoiu finanseiru atu finansia atividade ne’ebé mak kada organizasaun iha,tinan ne’e iha redusaun orsamentu entaun orsamentu aloka ba tinan ida ne’e barak liu ne’e hanesan CNC la iha intervensaun osan ne’e atu aloka ba programa sira,” Diretor Ezekutivu Centro Nasional Chega IP, Hugo Maria fernandes afirma iha Sala konferensia CNC Antigu Komarka Balide, Dili.
Nia haktuir Orsamentu ne’e bazeia proposta ba kada instituisaun nia programa ba sira nia prioridade maibé ba ami importante maka aliña ho rekomendasaun Chega nian
“Aliña ho programa ne’ebé mak atu prezerva memoria sira atu fo kbi’it ba kbiit laek sira entaun Orsamentu ba Assepol $ 25.000 resin (seidauk asina), Asosiasaun Vítima mos hanesan, ba Pirilampu $17.000 ba kada tinan. Apoiu husi chega ba Asosiasaun 3 ne’e laos sira atu kompete malu maibé sira servisu tuir ida-idak nia karakter servisu hodi atende ba Vítima ho sobrevivente sira katak interese vitim sira nian la’os interere Asosiasaun nian” Jestor CNC tenik.
Iha fatin hanesan Koordenadór Nasional Asosiasaun Vítima Konflítu Polítiku 1974-1999 (AVKP), Domingos P. de Araujo Moniz,hatete ho asina nota Entendemento ida ne’e oinsa atu kontinua banati tuir regras ne’ebé maka regula iha laran.
“Agradese atu ba tinan hitu, CNC sei fo fiar nafatin Asosiasaun Vítima, hamutuk hodi haforsa malu hanesan parseira oinsa mak rezolve situasaun Vítima sira nian, ita asina ona Nota entindimentu ida ne’e ami kontinua banati tuir regras ne’ebé maka regula tiha ona iha laran, ne’e hanesan giaun ne’ebé lori ita ba honestidade ida ne’ebé mak ita implementagastus sira ne’ebé hetan fiar husiCentro Nasional Chega”Nia subliña
Prezidente Klibur Sobrevivente Feto PIRILAMPU, Maria Isabel Jesus da Silva mós agradese ba apoiu CNC ida ne’e oinsa atu kontinua Objetivu pirilampu oinsa atu apiu vítima sira.
“Agradese ba CNC nia apoiu ba ejistensia Pirilampu ninian, oinsa Pirilampu hamrik hodi lao ho objetivu ho ida ne’ebé mak hamutuk ho Chega, Asosiasaun Vítima no asepol tamba iha ne’eba ita hotu ninia luta ida de’it liu-liu atu apoiu pirilampu oinsa ami bele alkansa ami nia objetivu luta hetan lei reparasaun ami nia istória ne’ebé maka iha ona, CNC apoiu tomak mai ami oinsa mak ami bele halao ami nia atividade sira ho diak liu tan ba oin hodi dezenvolve ita nia servisu sira ne’e la to’o iha ne’eL ori ami la’o maske neineik maibé ami mos bele hamriik mesak , ami mos hakarak ejiji atu hetan lalais lei reparasaun rekoñesimentu husi estadu ba ami nia kontribuisaun, liu-liu Vítima violasaun iha pasaudu tan ida ne’e maka Pirilampu hamrik” konsellu Pirilampu informa
CNC nia apoiu ba Asosiasaun 3 ne’e la’os sira atu kompete malu maibé sira servisu tuir ida-idak nia karakter servisu hodi atende ba Vítima ho sobrevivente sira katak interese vítima sira nian la’os interere Asosiasaun nian.
Jornalista: Gracia Soares/ Maria Jose de Jesus
