Lafaek News–(Dili, 28 Fevereiru 2024) – Centro Nacional Chega!I.P asina Nota Entendementu ho Asosiasaun Profissionais Psikolojia Timor-Leste (APPSTIL), ne’ebé realiza iha Salaun Gabinete Apoiu Orgaun Centro Chega! (GAO-CC), Antigo Comarca Balide-Dili.
Objetivu prinsipal husi asina Nota Entendementu ne’e mak atu fó apoiu fundu ba Asosiasaun Profissionais Psikolojia Timor-Leste (APPSTIL) atu hala’o sira nia atividade ka programa durante tinan 2024.
Apoiu ne’ebé Centro Nacional Chega!I.P fó ba Asosiasaun Profissionais Psikolojia Timor-Leste (APPSTIL) ho orsamentu hamutuk $ 18,000.00 (Dollar Amerikanu Rihun Sanulu resin Ualu).
Centro Chega! apoiu fundu ba Asosiasaun Profissionais Psikolojia Timor-Leste (APPSTIL) durante tinan ida (1) validu hahú husi data asina Nota Entendementu no remata iha loron 31 fulan Dezembru 2024.
Enkuantu, neébe responde ba misaun Centro Chega! ninian: promove implementasaun rekomendasoens CAVR relasiona ho institusionalizasaun memoria no promosaun direitus umanus atraves edukasaun, formasaun, no solidariedade ba sobreviventes vulneravel liu hosi violasaun direitus umanus; nomos promove rekomendasoens komuns CAVR no CVA konaba konstrusaun sentru nasional memoria, pesquiza no aprendizajen. No implementasaun ba rekomendasaun chega kona-ba estadu Timor-Leste hodi taumatan ba ema hirak ne’ebe sei kontinua nafatin lori terus fiziku ka mental ka forma tratamentu desumano no hatun ema nia dignidade iha sosiedade.
Iha sorin seluk, CNC Asina Nota Entendementu ho Asosiasaun Vitima Konflitu Polítika 1974-199, (28 Fevereiru 2024) – Objetivu prinsipal husi asina Nota Entendementu ne’e atu fó apoiu fundu ba Asosiasaun Vitima Konflitu Politíka (AVKP) 1974-1999 atu hala’o sira nia atividade ka programa durante tinan 2024.
Apoiu ne’ebé Centro Nacional Chega!I.P fó ba Asosiasaun Vitima Konflitu Politíka (AVKP) 1974-1999 ho orsamentu hamutuk $ 29,208.00 (Dollar Amerikanu Rihun rua nulu resin sia, atus rua ualu).
Centro Chega! apoiu fundu ba Asosiasaun Vitima Konflitu Politíka (AVKP) 1974-1999 durante tinan ida (1) validu hahú husi data asina Nota Entendementu no remata iha loron 31 fulan Dezembru 2024.
Enkuantu, apoiu ne’ebé Centro Nacinal Chega!I.P fo ba Assosiasaun Vitima 1974-1999 atu responde ba misaun Centro Chega! ninian: promove implementasaun rekomendasoens CAVR relasiona ho institusionalizasaun memoria no promosaun direitus umanus atraves edukasaun, formasaun, Pesquiza no solidariedade ba sobreviventes vulneravel liu hosi violasaun direitus umanus; nomos promove rekomendasoens komuns CAVR no CVA konaba konstrusaun sentru nasional memoria, pesquiza no aprendizajen. (remata)
