SOSIÁL · 18 Feb 2021 13:08 ·

Claudinha Fiar Projetu Uma ba Kbi’it La’ek Sei La Akontese Mal Gastus


Claudinha Fiar Projetu Uma ba Kbi’it La’ek Sei La Akontese Mal Gastus Perbesar

Lafaek News—Diretora Programa Nasionál Dezenvolvimentu Suku (PNDS), Claudinha Soares Pinto, hatete, programa governu hodi konstrusaun uma ba kbi’it la’ek ne’ebé lidera husi PNDS nia parte fiar sei la akontese mal gastus durante iha nia mandatu.

“Ha’u sempre ko’alia ba funsionáriu sira katak ba loos mai loos, tanba orsamentu alokadu ba PNDS bot tebes, exelensia ministru mos sempre orienta ami katak agora ba oin buat hotu la’o tuir buat ne’ebé hakerek iha lei no manual, ita tenke la’o tuir buat ne’ebé loos,” afirma Diretora PNDS, Claudinha Soares Pinto, ba Lafaek Nnews, iha kna’ar fatin foin lalais ne’e.

Diretora reafirma, antes ne’e hala’o kna’ar hanesan xefe departamentu administrasaun finansas nune’e nia parte iha kuñesementu klean kona-ba finansas, alenden ne’e mos Ministru Administrasaun Estatál (MAE) sempre orienta no la’o tuir baze legal sira.

Nia dehan, ho programa governu nian ne’ebé halo uma ba kbi’it la’ek ne’e nia parte garante katak aktu mal gastus sei la akontese.

“Ita garante katak aktu sira hanesan ne’e sei lamosu, tanba ita hakarak buat los ba ita nia komunidade sira no la’o tuir dalan ne’ebé maka iha, ita mos tenke hatudu ita nia profesionalismu iha ita nia servisu rasik no kapasidade rasik,” tenik nia.

Jestora PNDS ne’e argumenta, nia parte sempre hato’o informasaun ba funsionáriu no ekipa sira katak osan povu nian tenke to’o ba povu, se aktu sira mal gastus akontese nia parte sei latolera.

“Ita jere povu nia osan, osan ne’e tenke ba duni povu, ida ne’ebé ita nia direitu ida ne’e maka ita nian, seluk labele bo’ok. Ha’u la tolera kualkér aktus ne’ebé maka ita bot sira foti no involve ha’u no ita bot sira rasik ba halo buat ne’ebé lalos ne’e ha’u sei la tolera,” nia informa.

Tempu to’o ona atu hadia buat sira ne’ebé la loos, no tenke la’o tuir prosedimentu ne’ebé hatur ona, ba oin garante katak halo monitorizasaun regular ba atividade hotu li-liu projetu fíziku inklui orsamentu ne’ebé alokadu iha suku hodi hari’i uma kbi’it laek.

 

Jornalista        : Pedro de Almeida

Editora            : Nelya Barros

1,531 Views
Artikel ini telah dibaca 61 kali

badge-check

Editor

Baca Lainnya

Agradese Estadu TL Dekreta Loron Nasionál EhD ba Daruak

5 July 2024 - 00:16

TMR Ho Família Selebra Missa Agradesimentu Ba Saudoza Isabel da Costa Fereira

19 June 2024 - 14:05

Uma Lahuk Hatauk Faluk ho Oan Kiak Tinan 10 Moris Ho Mata-wen

6 June 2024 - 14:00

Funu 99 Hatauk Marciana Sai Defisiénsia too Ohin Loron  

4 June 2024 - 12:13

Kbiit Laek Maria Empresta Foos Husi Viziñu hodi Sustenta Oan Sira Ninia Moris

28 May 2024 - 11:57

Prezidente Repúblika Apoiu Ona Aihan Natoon Ba Inan Feton Leonarda Ximenes Iha Beduku

1 May 2024 - 15:04

Trending di SOSIÁL