Lafaek News–Vise presidente Konfederasaun Desportu Timor-Leste (CDTL), Inocencio Araujo da Silva, informa da-daun ne’e federasaun Desportivas 35 ne’ebé afilia ba iha konfederasaun Desportu Timor-Leste, ekipa CDTL halo hela diágnostiku ida ba iha funsionamentu admistrasaun operasinal hotu.
Agora da-daun ita iha 35 federasaun desportivas ne’ebé afilia ba CDTL husi ida ne’e ita nia ekipa halo hela diagnóstika ida ba iha funsionamentu admistrasaun operasional hotu iha 35 desportiva ne’ebé afiliadu”, esplika Vise presidente CDTL, Inocencio Araujo da Silva hafoin enkontru semanal ho Prezidente Repúblika José Ramos Horta, kuartu (22/06/2022).
hodi dehan papel konfederasaun Desportu Timor-Leste (CDTL) atu haree ba dezenvolvimentu desportu hirak ne’ebé afilia ona ba iha konfederasaun Desportu Timor-Leste, apoiu ne’ebé CDTL husu Prezidente Repúblika oinsá bele dezenvolve desportu hanesan primeiru mandatu atividade balun la’o ona, no buka mos apoiu husi parte balun ne’ebé bele sai sponsor ba iha atividade desportu iha Timor-Leste
Federasaun hirak ne’e seidaukiha sede too agora, esforsu CDTL nian mak halo diagnostika ida ne’ebé afilia ba iha konfederasaun internasional más kondisoens seidauk iha, la’os de’it ida ne’e ita mos haree aspektu sira seluk ne’ebé mak bele dezenvolve sira nia federasaun rasik, sira iha atleta ka lae, iha treinador kulifikadu klae, laos fatin de’it, ida ne’ebé prioridade rekomenda ba Governu bele ajuda dezenvolvimentu iha Timor-Leste,’’katak nia.
Iha enkontru semanal ne’e Prezidente Repúblika José Ramos Horta husu ba CDTL nafatin kolabora konfederasaun Desportu Timor-Leste, kolabora nafatin ho entidade governu atu bele dezenvolve Desportu Timor-Leste ba oin.
Jornalista : Rita Moniz
Editór : Agapito de Deus
