Lafaek News—Boxista famozu Manny Pacquiao husi nasaun Filipina sei halo nia vizita mai Timor Leste durante loron rua iha kapital Dili.
Asuntu ne’e hatoo husi Prezidente Komisaun Organizadora, João Rodrigues hateten liu husi vizita Boxista Manny Pacquiao nian ne’e iha Dili, durante loron 2 iha Timor-Leste ho intensaun hodi motiva atleta sira .
“ Vizita especial ne’e husi Manny pacquiao ho intensaun atu motiva ita nia atleta sira atu fo buat balun ba ita nia atleta sira para hodi bele hetan mos resultadu hanesan Manny pacquiao ne’ebé mak halo vizita mai Timor,” nia dehan.
Nia salienta vizita ne’e sei hahú dia 28 too loron 30 2023, tan ne’e husi parte ministériu sei kolabora ho Ministériu Negósiu Estranjeiru, no mós PNTL inklui mós saúde ligadu ba atendimentu durante vizita manny Pacquiao.
“vizita sei halo iha dia 28 to dia 30 servisu ne’e la servisu mesak husi parte ministerio servisu kolabora mós husi parte negósiu estranjeiru husi parte PNTL seguransa no instituisaun sira ne’ebé saúde ligadu ba atendimentu durante vizita Manny Pacquiao nian Iha vizita ida ne’e nia sei to iha dia 28 tuir loloos nia mai ho aviao privadu la konsege tanba ne’e nia mai ho aviao citilink ita hotu hatene nia to iha ne’e iha jm 12 :20 iha Salaun VIP,” João Rodrigues sublina.
Entretantu tuir oráriu ne’ebé boxista internasional sei vizita Timor iha loron 28, parte loraik, sei halao vizita uluk ba embaixada Filipina nian iha Timor, loron 29 dader tuku 8:30 sei hasoru Prezidente Repúblika, tuku 09 sei hasoru Primeiro Ministru Kay Rala Xanana Gusmão, iha palasiu governo no parte loraik nian sei hala’o vizita ba klubu sira, iha loron 30, dader Manny Pacquiao sei hasoru malu ho Ministeriu Juventude Desportu Arte no kultura.
Jornalista : Felix Fernandes
Editor : Agapito de Deus
