Lafaek News—Hosi hanoin no mehi, osan bele mosu milagre hanesan realidade ida husi hanoin, la’os realidade ida ne’ebé realistiku, maibé realidade ida ne’ebé hosi hanoin de’it, bele akontese liu husi mehi no hanoin iha moris loro-loron.
Fasil tebes bele hetan osan husi hanoin no mehi, maibe susar atu kaer iha liman, la’os susar liu, presiza pasiensia no vontade oinsá bele konkretiza mehi ne’e sai realidade, iha ne’ebé, tenke hisik kosar ben, la’o iha manas nia laran no futu kabun hosi hamlaha hafoin hetan osan ho realidade kaer iha liman hodi tau ba bolsu.
Realidade ida tan, oinsá atu hetan osan, mak da-daun ne’e Jacinto dos Reis, luta hela ho susar no terus, hafoin bele hetan sorte moris nian atu hatutan iis ba moris loro-loron liu husi tetu kalen at no besi ferujen sira, maibé liu husi ezersisiu ida ne’ebé difisil, hamlaha no hamrook ezije, maibé labele rende no tauk, hanesan esperiénsia moruk ba dalan realidade moris haksolok nian mak ida ne’e.
Dader malirin de’it, Jacinta dudu sai karosa ne’ebé didin ho rede no tula dasi la’o husi nia uma Tasi-tolu, haleu sidade ninin no valeta sira hodi hili kalen at no besi feruzen sira lori halibur hamutuk tula ba nia karosa too loron monu ba tasi dudu ba tetu fali iha Palpasu hodi hetan netik osan rahun ba moris loron ida nian.
“Ha’u hili kalen at sira ne’e mak bele fo moris mai ha’u ho familia,” haktuir Jacinto dos Reis ba Lafaek News, 1 Outobru 2024, iha malinamuk Comoro, Dom Aleixo Dili.
Jasinto dudu karosa la kole, maske hamlha hamrok buka, nafatin tahan loron manas hodi hili kalen at no tetu alumenium at hirak ne’ebé soe iha lixu fatin no valeta leet sira bainhira hetan too karosa nakunu foin bele dudu ba Palpasu ba kompania besi at hodi tetu.
“Ha’u la senti loron manas la buka mahon ida atu salva an husi loron manas, ha’u uza de’it jaket liman naruk hodi tahan ba loron manas ho anin hotu ha’u la uza sapatu, maibe’ hatais deit sinelus hodi tahan ba aspal manas no tahu sa’i husi uma jm 7:00 komesa dudu karosa husi uma la senti kolen no hamrok Hamlaha tan de’it atu suporta nesecidade familiar uma laran ho oan Sira nia eskola ho ida ne’e ha’u nia oan mane bo’ot senti la konte tamba hau dudu karosa entaun ho ida ne’e ha’u nia oan mane bo’ot para eskola hodi ajuda ha’u dudu karosa buka lata husi uma leet no estrada
“Karik ha’u hetan sorte, tetu husi ema ha’u fo kilo ida 0,35 sentavus, ha’u ba tetu fali iha kompania Piskalaun Palpasu nian hetan kilo ida 0,55 sen, ha’u hahu dudu karosa iha tinan 2008, buka servisu la hetan entaun ha’u pasensia buka kalen at balu iha baleta estrada ou hetan labarik sira hili entaun ha’u husu sira ha’u fo kilo ida 0,35 ita buka servisu mós hanesan de’it, diak liu dudu karosa buka lata mamuk, diak liu kada loron ida hetan karosa ida ka nain rua nakonu hetan ona osan,” haktrui nia.
Serviru ne’e todan tebes, presiza pasiensia mak barak, srote diak loron ida hetan dolar 5, ou too dolar 10 ($ 10.00), dala ruma laiha, fila uma atu sosa Modo ho mina masin Masako osan laiha, bainhira loron tomak la hetan osan, la’o kabun hamlaha ho karosa mamuk fila ba uma Tasi-Tolu, hodi kontiua fali loron tuir mai.
“Kalan ha’u toba la dukur hanoin hela aban nian, dader ha’u hader fase matan kose nehan haris hotu kafe iha hemu, karik laiha hau foti jaket liman naruk ida hatais hodi tahan loron Manas hatais xiñelus la taka sapeo dudu karosa la’o nafatin hodi buka kalen at iha estrda ibun hodi halibur tula ba ha’u nia karosa,” haktuir kbiit laek ne’e.
Luta ne’ebé Jacinto hala’o durante tinan 8 ninia laran, atu buka osan maske kiik, maibé bele selu netik oan sira nia eskola, sosa kadernu, lapizeira no ropa ba oan sira nia eskola, inklui sustenta nesesidade uma laran, han hemu loron kalan.
“La’o dudu nafatin karosa too lokraik hetan kontenti tau hamutuk, pasensia buka lor-loron atu nune’e ha’u bele sustente ba nesesidade uma laran nian, sosa labarik sira nia kaderno la pizera sapatu ba eskola,” Jacinto hakotu lia.
Jornalista : Natalia de J./Anagracia
Editor : Agapito de Deus
