Lafaek News—Hahú hushi loron 30 fulan Setembru too loron 7 fulan Outubru 2024, Autoridade Protesaun Sivil (APC-sigla Portugés), rejista kazu dezastre husi natureza hanesan anin vilosidade as konsege estraga uma hamutuk 55 iha territoriu nasional.
Diretor Gabinete Relasaun External no Komunikasaun (DGREK), Cesario da Silva Marques, informa desastre naturais hahu loron 30 Fulan setembru to iha loron 7 Fulan outubru Tinan 2024 iha territoriu Timor laran tomak ho tipu desastre naturais ne’ebé kauza komunidade sira vítima mak hanesan rai halai no anin boot.
“Hahu iha loron 30 fulan Setembru to loron 7 fulan Outubru 2024, durante iha semana ida nia laran iha teritorio Timor-Leste laran tomak, normal ho nia tipo dezaster ne’ebé mak CNOPC-APC tutela iha autoridade protesaun civil iha Sekretáriu Estadu Protesaun Civil no Ministeru de Interior, rejista kazu dezastre ne’ebé akontese iha teritóriu estragus hamutuk 61, no anin sobu Uma 55, no balu hamutuk 7, rai halai 1, no numeru afeitadus total hamutuk 297 no prense kriateria 61 no apoiu emerjénsia hetan 2″ Cesario da Silva ba jornalista sira iha Caicoli, Segunda (07/10/2024)
munnisípiu ne’ebé akontese dezastre naturais hanesan, Bobonaro ensenor balu 1 iha Baucau anin sobu Uma hamutuk 48, Likisa anin sobu uma 2, Manatutu ensenor balu 1 no rai halai 1 no anin sobu uma 3, RAEOA ensenor balu 3, Vikeke anin sobu uma 2 no oras ne’e da-daun APS destaka iha munisípiu Vikeke no parseiru relevante sira, apoiu ona emerjénsia ba familia afeitadus sira hanesan nesesidade bázika,” nia afirma.
Turi nia, akumulasaun dadus ne’ebé rekomenda ba Autoridade Protesaun Sivil (APC) ne’ebé resistu kasu husi desastre naturais Anin sobu uma Hamutuk 1283 no ensenor ba Fulan Ida ne’e hamutuk 172, inundasaun Hamutuk 1.432, no mos iha familia balun rejistau kona-ba dezastre rai halai Hamutuk 152 husi ne’e hetan rekopera hodi simu material ba Uma kain Hamutuk 3145 no 33 mak seidauk hetan material maibe sei iha prosesu nia laran.
“Iha ne’e ita iha kedas dadus ne’ebé ita rekomenda APS, rejistu hanesan anin sobu uma ne’e ita rejistu hamutuk 1.283, ne’ebé mak ita rejistu hamutuk iha hela APS, no mós iha ensenor balu ne’e tama fulan ida Agora ne’e ita rejista 172, no mos hanesan mai iha inundasaun, ita iha rejistu hamutuk 1.432, iha familia ita rejista no mos iha rai halai hamutuk iha 152, ita sei rekupera, hanesan ita partila ona ida ne’ebé baibain simu ona material koperasaun hamutuk 3.145 sira ne’ebé seidauk hetan hamutuk 33, ita sei tuir nia klasifikasaun hanesan ita nia atrebui ka dekretu Lei (17/2021), dia 21 fulan Juñu iha artigu 10 nia ko’alia kona-ba klasifikasaun ba reabilitasaun,” hakotu Nia
Jornalista : Natalia de Jesus
Editor : Agapito de Deus
