Lafaek News—Movimentu Universitariu Timor-Leste (MUTL) Tersa, 08/10/2024, iha ne`ebe realiza komunikandu imprensa hodi kontra desizaun Parlamentu Nasional atu sosa kareta ba kanten 65 iha uma fukun Parlamentu nasional.
Cristiano José Trindade (Mau-raku) afirma, razaun estudante MUTL diskorda ho desizaun Parlamentu Nasional sosa kareta ba deputadus sira, tanba haree ba situasaun iha rai laran, povu moris iha presaun ekonomia hanesan estrada la di’ak, saúde la responde ba povu, inklui edukasaun ho agrikultura seidauk dezenvolve atu hadia povu nia moris.
“Proposta sosa kareta luxu ba deputadu hanesan programa ida ne’ebe aprezenta kada periodu maske povu ida ne’e kontra bebeik sira nafatin sosa iha kada periodu, ohin loron IX Governu konstitusional orgaun parlamentu nasional nafatin produz lei hodi aprezenta ba programa sosa kareta luxu maske gasta osan povu nian ne’ebe sira aprova iha loron 18/09/2024 ho montante osan 40 mil millões hodi utiliza tuir sira nia hakarak iha povu ida ne’e nia terus leten, dadaun ne’e Timor-Leste iha krize ekonomia no debe ne’ebe barak husi banku federal no banku husi nasaun sira seluk, nune’e ohin loron Timor-Leste sei nakonu ho numeru kiak, mukit no mall nutrisaun hahu husi labarik, ferik no katuas sira.” Portavoz Mau-kura, informa.
MUTL sei hamutuk ho povu hotu kotra no konsidera desizaun polítika ida ne’ebe injustu ka korupsaun legal husi kanten 65 iha uma fukun parlamentu nasional halo hodi fo ameasa ba estadu Timor-Leste, nune’e bele utiliza de’it sira nia salariu.
“Nia dehan, Movimentu Universitariu Timor-Leste (MUTL) husu ba kanten sira atu anula no kansela hikas proposta lei n˚4 viaturas e trasportes dos deputados ka sosa kareta foun ba deputadu sira ne’ebé ho votus maioria absoluta iha 18/09/202p4 ho konsiensia no husu ba presidente republika atu veta ka kansela lei refere, tanba fo bokur ba grupu balun, maibe laos interese povu nian, husu ba deputadu sira atu utiliza de’it salariu tanba ho montante boot, pplaos atu explora de’it povu no utiliza osan latuir povu nia hakarak, tanba ne`e, MUTL hamutuk ho povu Timor-Leste kontra desizaun reprezentante povu iha uma fukun parlamentu nasional no konsidera nu’udar hahalok korupsaun”, Porta-voz, haktuir.
Nia hatutan, husu ba reprezentante povu presiza tetu didiak antes foti desizaun, tanba povu balun moris kiak no mukit presiza haree, tanba nesesidade báziku folin aas tebes iha merkadu hodi fo impaktu ba nesesidade povu kiik sira nian.
Entretantu Amino Lunturo fundamenta, MUTL la konkorda ba desizaun polítika presidente republika bazeia ba programa sosa kareta luxu ba sira, tanba dadaun ne’e povu barak mak sei halerik hela ba dezemvolvimentu.
“Situasaun ne’ebé presidente deklara ne’e afavor ba povu nia hakarak, tanba situasaun Timor-Leste agora grave tebes, problema barak mak povu enfrenta iha saude, edukasaun, ekonomia no infra-estrutura, maibé realidade hatudu katak aprova osamentu hodi sosa prado ba kanten sira, nusa la aloka deit osan ba halo manutensaun ba kareta ne’ebe dadaun ne’e sira uza, serake povu ida ne’e moris la dignu no sofre durante tinan 20 ona, maibe ita nia lideransa sira laiha fuan ba sira nia povu rasik no posizaun ne’ebe sira asumi, povu depozita sira nia komfiansa atu trata povu ba moris dignu, dadaun ne’e povu infrenta nesesidade bazika no setor agrikultura hahu hakdasak, “ Lunturu, konta.
Movimentu Universitariu Timor-Leste (MUTL) la konkorda ho aktu ne’ebe deputadu sira hatudu iha uma fukun parlamentu nasional nomos dezaun polítika presidente republika, nune’e MUTL sei firme nafatin bainhira laiha desizaun no mantein hodi sosa prado, MUTL komprometidu halo asaun manifestasaun hodi blokeia total portaun parlamentu nasional, hodi husu kansela sosa kareta prado ba deputadu/a kanten sira.
Jornalista : Crispin De J. Amaral
Editor : Agapito de Deus
