EKONOMIA · 14 Apr 2021 13:14 ·

Aviaun Citilink Hatun Traballador Xinezas Na’in 133 Iha TL


Aviaun Citilink Hatun Traballador Xinezas Na’in 133 Iha TL Perbesar

Lafaek News—Kuarta (14/04/21) Aviaun Citilin A320 hatun Traballador husi rai Xina hamutuk ema na’in 133, ne’ebé servisu iha portu Tibar no eletrisidade Hera, tuku 15:58 (Otl) iha aeroportu Internasionál Nicolau Lobato Komoro.

 Na’in ba Citilink Fernando da Silva, informa, sidadaun xinesa ne’ebé tama mai Tmor-Leste  ne’e  servisu iha kompaña  internasional ne’ebé  konstrui portu Tibar no  kompañia  eletridade  Hera.

“Xinesa sira kaer obra  iha kompaña  ne’ebé  governu Timor-Leste iha  balun iha portu tibar no hera balun fila ona no sidadaun agora dadaun mai ne’e  sei troka ema sira ne’ebé  servisu  mak sira mai atu troka fali sira nia fatin tanba sira nia kontratu hotu ne’ebé  ohin mai ne’e  hamutuk 133,” dehan Fernando da Silva, ba jornalista sira iha  aeroporto, Kuarta (14/04/2021).

Fernando reafirma, tuir lo-loos iha sidadaun na’in  138 mak ohin tama mai Timor-Leste, maibé kansela viajen  nune’e  133 de’it mak ohin mai Timor.

Aviaun citilink  ne’e  sei tula fila Timor hamutuk  58 ne’ebé  kompostu husi pasiente ho nia familia hamutuk na’in  32 ne’ebé  atu ba hala’o tratamentu  iha Indonesia iha mós estudantes, diplomata balu inklui sidadaun Indonézia sira.

Fernando esklaresa  voo ba Aviaun Citilink  ne’e  hetan aprovasaun  husi governu Timor-Leste  no charter husi embaixada  Xina iha Timor-Leste.

Maske antes ne’e  governu liu husi Sentru Integradu Jestaun Krize (SIJK) fó sai ona katak sei suspende  total vou internasionál  Timor ba rai liur no rai liur mai Timor,  tanba numeru pozitivu Covid-19  aumenta  makas maibé realidade ema Entranjeiru  kontinua tama.

Nia dehan, sidadaun hirak ne’e sei submete ba karantina  no konfinamentu obrigatóriu  iha fatin ne’ebé  preparadu  ona husi kompañia  rasik molok loron 14.

 

Jornalista : Sandi Belo

Asisten Editór : Pedro de Almeida

1,071 Views
Artikel ini telah dibaca 17 kali

badge-check

Editor

Baca Lainnya

Setor Rua Nudar Baze Ba Ekonomia Timor Leste

15 June 2024 - 17:58

Kompania Ida Husi Austrália Bele Produz Adubu orgániku Husi Popok Labarik Nian

14 June 2024 - 17:49

ILO Ho Tradelnvest  Haforsa Negosiu Nu’u Ba Coconut Oil Iha TL

23 May 2024 - 17:26

BUNDA Loke Servisu ba Komunidade Liu Husi Transforma Aihan Lokal ba Aihan Modernu   

26 April 2024 - 23:24

Traballadór Austrália Fulan 1 Manan $ 4.000 Too $ 5.000

26 April 2024 - 09:13

FJDE Apoiu EhD Dezenvolve Setor Kafe Uut Sirkula Ona Iha Merkadu Nasional

22 April 2024 - 15:52

Trending di EKONOMIA