Lafaek News–Governu Austrália liu husi nia Embaixadór iha Timor Leste, William Costtelo, Austrália sei apoiu Timor-Leste hodi implementa projetu fibra óptiku hodi fornese espertu tékniku, regulamente servisu, merkadu no seguransa cyber hodi garante benefisiu to’o ba povu Timor-Leste hotu.
Governu Timor komesa sosa ona fiul (cable) fibra óptiku, no Austrália nudar parseiru ida ne’ebé suporta hodi implementa projetu ne’e atu fornese benefisiu ba povu Timor-Leste. Governu Timor-Leste agora da-daun halo hela prosesu prokuramentu konba kabel refere no prosesu sira ne’e la’o hela iha momentu ne’e.
Embaixadór Austrália William Costtelo informa asuntu ne’e hafoin halo enkontru kortejia ho Sekretariu Estadu Komunikasaun sosiál (SEKOMS), Mericio Juvinal Akara iha salaun enkontru SEKOMS-Palacio Governu, Segunda, (11/04/2022)
Ita hein nia resultadu iha tempu ne’ebé badak no agora dadaun mós governu Timor-Leste halo hela tenderizasaun hodi hetan kompañia ida ne’ebé apropriadu hodi dezenvolve diak area ne’e,” dehan Embaixadór Austrália.
Austrália nia papél mak atu fornese espertu tékniku no mós servisu iha regulamentu sira no parte merkadu nian atu nune’e kustu internet bele kompetetivu ihaTimor-leste no atu garante oinsa benefisiu hosi fibra optiku ne’ebé too ba povu Timor-Leste tomak.
Ami mós sei ajuda Governu Timor-Leste atu haree mós cyber security ba seguransa Cyber oinsa uza internet ho di’ak no ami esforsu atu serivu iha area sira ne’e hotu bainhira fibra optika opera iha Timor-Leste,” tenik William.
Iha sorin seluk, Sekretariu Estadu Komunikasaun Sosiál (SEKOMS), Mericio Juvinal Akara hatete, embazadór ohin halo vizita kortejia ho SEKOMS hodi troka idea kona-ba servisu média, SEKOMS hato’o mós programa balun ne’ebé hala’o ona liga ho jornalismu nian, oinsa mós atu hametin koperasaun entre nasaun rua.
SEKOMS atualiza mós ba Embasadór katak koperasaun entre embaixada Australia iha Timor-Leste ho SEKOMS di’ak tebes ho tempu ne’ebé kleur bainhira embasadór anteriór, Peter sei iha ne’e, atualiza mós katak koperasaun sira ne’e matein ba oin liuliu oinsa ita aduja média estadu sira, radio komunidade sira no inklui oinsa jere informasaun falsu sira ka Hoax ka oinsa promove literasia dijitál no oinsa ita nia sidadaun sira iha matenek hodi utiliza platafoma média ho di’ak.
Hau mós esplika oituan kona-ba lei balun ne’e da-daun ne’e SEKOMS dezenvolve hela hanesan lei rádiu no broadcasting law ka lei broadcasting no sei sira seluk tan,” dehan nia
Maibé emprinsipiu atu koñese malu di’ak liu tanba Sr. Embasadór foun iha ne’e. Hahu ho sorumutu ohin sei kontinuadamente hasoru malu hodi haklean liutan koperasaun balun no troka informasaun ba malu nafatin.
Embadadór atualiza mós ba SEKOMS konaba projetu fibra optiku ne’ebé mak governu Timor-Leste ho Governu Australia iha. Hanesan Primeiru Ministru dehan bebeik ona katak prioridade ida mak projetu fibra optika atu nune’e ita nia sidadaun sira bele liuhosi internet bele uza ho lalais média, fasíl no baratu no ida ne’e mak interese prinsipál,” informa Mericio
Nia hatoku, Embasadór Informa mós kona-ba koperasaun entre RTTL ho ABC news ne’ebé mak prosesu tékniku la’o hela no ida ne’e diak tanba ABC news ne’e média profisionál ne’ebé Timor presija kopera hodi hasa’e kualidade jornalismu
Jornalista : Felisberto Fernandes
Editor : Agapito de Deus
