Lautém-(Lafaek News)—Iha Kuarta (27/01/21), akontese ahi han uma ida aldeia Sentral suku Fuiloro, postu Lospalos, munisípiu Lautém, iha oras tuku 12 (meiudia) ahi mosu husi lilin ne’ebe sunu hela iha oratoriu rezulta uma ida ahi han mutuk inklui sasán uma laran.
komunidade sira hamriik hela iha fatin akontesementu aldeia sentral hodi haree bombeirus Lautem rega mate ahi refere. foto LN CE.
Akontesimentu insendiu ne’e la rezulta ema ruma mate, maibé sasan ne’ebé hetan estragus kompostu motorizadas 4 inklui komptuador, no mákina printer, iha akontesimentu insendiu ne’e bombeirus konsege too hodi rega maibé la konsege salva sasán seluk iha uma laran.
Iha akontesimentu refere familial abele salva sasan iha uma laran, tanba ahi sa’e maka’as hodi taka netik dalan ba uma na’in atu tama uma laran hodi hasai sasán, iha momentu ne’e uma na’in konsege kontaktu bombeirus too kedan fatin insendu ne’e hodi hamate ahi restu ne’ebé sei lakan, maibé nunka salva sasán ruma.
Tuir observasaun lafaek news sita katak ahi han mutuk mós motor ida inklui sasán sira ne’ebé uza ba rental nian familia vitima nunka salva sasán ida husi ahi nebe han makas ne’e.
Jornalista lafaek news Lautém tenta konfirma ho Alberto Bere ne’ebé nu’udar na’in ba uma refere, lakohi fó kometáriu, tanba kestaun sei iha traumátiku nia laran no lakohi fó komentáriu sobre akontese refere.
Jornalista : CE Lautém
Editora : Nelya Barros
