Lafaek News—Deputadu Sabino Soares Guntur hakotu iis iha Ospitál Nasionál Guido Valadares (HNGV), mais ou menus iha tuku 5 madrugada OTL, no ba da-daun hatoba hela iha mortuáriu hodi hein familia matebian.
Tuir observasaun ekipa Lafaek News iha terenu da-daun ne’e família matebian, deputadu bankada governu no juventude Partidu Libertasaun Popular (PLP) marka ona prezensa iha sala mortuáriu, maski kargu polítiku seluk no prezidente PLP atual Xefe Governu Taur Matan Ruak ho membru governu sira seidauk marka ninia prezensa.
Deputadu hirak ne’ebé marka prezensa ona mak hanesan deputadu bankada KHUNTO atual segundu vise PPN Luís Roberto, deputadu bankada Fretilín atual prezidente komisaun B asuntu seguransa José Agostinho Sequeira “Somotxo”, deputadu bankada PLP atual Primeiru Vise Prezidente Abrão Mate Resto no mós koodenadór Gabinete Seguransa iha Parlamentu Nasionál Superintendente Asistente Abrão Dias Quintas.
To’o notisia atual ne’e hatún ekípa Lafaek News seidauk hetan konfirmasaun hosi parte médiku ne’ebé toma konta halo tratamentu ba matebian ho mós família kona-ba kauza moras ne’ebé rezulta matebian hakotu peregrinasaun iha mundu ne’e.
Jornalista : Ezequias Tomas
editora : Nelya Barros
