Lafaek News—Atsabe 19/05/2025, Komisaun Oraganizadora 20 de Maiu 2025, realiza atividade kalan kultural Iha ámbitu ba komemorasaun loron restaurasaun da independesia Republika Demokratika de Timor-Leste ba dala XXIII hodi hamoris hikas uzu kustume kultura Atsabe ninian rasik.
Prezidente Komisaun organizador, Geraldo da Silva Gomes haktuir, Atsabe riku kona-ba kultura, maibe oras ne’e kultura lakon hotu ona Atsabe mos iha nia riquesa barak kona-ba uzus kustume tradisionais hanesan aihan lokal no kultura tradisionais ne’e atu lakon duni ona, tanba ne’e mak kalan ida ne’e realiza atividade ne’e hodi hamoris hikas kultura Atsabe nian labele lakon.
“Atsabe iha Riku barak kona ba kultura maibe oras ne kultura lakon hotu ona oan sira nebe mak foin dadauk hatudu ba né hanesan hanoin hetan hodi hatudu netik uzus kustume kultura Atsabe ninian maibe nee sei la signifika buat ida Atsabe iha ninia Riqueza barak kona ba uzus kustume kultura ninian hanesan ai han lokal kultura tradisionais dansa animasaun kultura nian ida ne mak senti atu lakon tebes ona tanba ne amí hatudu netik hodi fo hanoin ba Responsavel Ministériu Arte-Kultura nian oinsá bele promove no dezenvolve kultura Timor ninian,”nia haktuir.
Iha sorin seluk Administrador Postu Administrativu Atsabe, Manuel Oliveira haktuira atividade kalan kultura ne’e ninia objetivu re-lembra arte kultural Atsabe nian atu nune’e ba futuru bele buras liután maske katuas ho ferik sira mate hotu ona, maibe prezisa valorisa kultura no identidade Atsabe.
“Ita relembra fila fali no hahu ita nia kultura original fiar katak ba futuru sei buras liután maske ita nia inan aman nó ferik katuas sira mate hotu ona más ita prezisa sira hela ida ou rua mak sei iha sira fo hanoin nafatin mai ita atu nune’e ita nia kultura labele mate tanba ita nia kultura ita moris mai kesi kedan ho ita, nune’e jerasaun foun prezisa kontinua hamoris ita nia kultura orijen ne’e ba oin,” administrador postu Atsabe fo hanoin.
atividade noite kultura realiza hodi komemora Timor-Leste ninia independensia ba dala 23, nune’e hetan partisipasaun hosi komunidade suku 12 aldeia 59, hodi mai apresenta sira nia dansa kultura hanesan tebe, bala dok, dansa lakadou no mos dansa kultura sira seluk ne’ebé representa kada suku iha posto Atsabe
Entretanto orsamentu ne’ebe preve ba atividade noite kultura no mos ba festa komemorasaun 20 de Maiu iha postu Atsabe hamutuk $.4820 orsamentu hirak ne’e hetan apoiu husi governu no mos kompanha sira nebe mak eziste iha postu administrativu Atsabe.
Jornalista : Felix Fernandes
