Lafaek News–Diresaun Nasional Meterolojia no Geolojia Ministeriu Transporte Komunikasaun (DNMG-MTK) alerta ba populasaun tomak iha territoriu nasional Timor Leste atu atensaun espesial ba kondisaun ne’ebe sei huu ho velosiodade maka’as.
informasaun ne’e hatoo husi pajina DNMG-MTK iha loron 12/01/2024 no sei remata iha loron 13/01/2024, alerta anin ho vilosidade moderadu 16-25 km/h no posibilidade bele too forte 35/km/h ba loron aban no akomapana ho rajadas anin fuik ho velosidade ne’ebe’ forte masimu 30 too 54km/h preferensialmente iha parte loroaik ba kalan.
iha mos previzaun ba kondisaun tempestade (Rai lakan, anin no Udan bo’ot) ba loron aban nian liu-liu ba munisipiu sira hanesan: Baucau, Bobonaro, Ermera, Manatuto, Manufahi, viqueque, lautem inklui Dili.
NOTA INFORMATIVA : bainhira Udan, Anin boot no Rai Lakan, husu ba populasaun sira atu hadook a’an husi fatin risku sira no buka hela iha fatin ne’ebé seguru, Kazu emerjênsia ruma tuir orientasaun Autoridade Lokal ou Pessoal Protesaun Sivil ne’ebé besik ou karik presiza halo evakuasaun, mantein kalma nafatin, evita paniku, Akompanha nafatin atualizasaun informasaun kona previzaun Tempu husi DNMG Timor-Leste. (remata)
