Vikeke-(Lafaek News)–Asosiasaun Vítima Konflitus 74 no 99, realiza semináriu komemorasaun masakre Gara-Ulu suku Afloikai postu administrativu Watu-Karbau munisípiu Vikeke ho tema harmoniza memoria pasadu hodi harii hikas dame rohan laek ba jerasaun foun.
Objetivu fundamenta husi atividade ne’e mak atu transmite memoria passadu ba jerasaun foun sira aprende inklui konserva sítiu istóriku masakre sira
Sobrevivensia sira bele konta istória pasadu no labele repete hahalok agora no ba futuru, dehan ofisiál Programa manajer Sekretariadu Assosiasaun Vítima Nasionál,Nelson Ronaldo Xavier ba lafaek news iha suku Afoilake, domingu semana ne’e.
Iha fatin hanesan, oan mane husi matebian Carlos Pinto alias Manu-Metan, Orlando Pinto haktuir istória iha momentu nia aman tun husi matebian mai iha Afloicai mak militár indonézia sira kaptura halo torturasaun lori ba oho soe tun ba bee iha Gara-ulu.
Orlando sente triste lakon aman iha momentu ne’eba, tanba ida sei idade kiik hamutuk nia alin feto nain, alin mane ida ho nia inan mesak moris iha susar laran ho presaun ekonomia.
Oan husi saudozu Manu-Metan husu governu atu apoiu finanseiru ba familia sira hodi konstrui netik monumentu ba nia aman ne’ebé militar invazor sira kaptura oho iha tempu okupasaun Indonezia nian.
Oras ne’e da-daun familia halo ona rate tuir kultura ita nian maibe parte governu seidauk halo monumentu balu iha fatin akontesementu ne’e,” Nia sublina.
Reportage : Abeka Rai-Husar
Editór : Agapito de Deus
