Lautem-(Lafaek News)–Asosiasaun Futeboll Lautém hamutuk ho treinador nain ida no assistente treindor sira hahú fo treinamentu bola ba labarik Lautém-oan husi tinan 6-12 atu aprende futeboll hodi dezenvolve desportu Timor iha futuru.
Prezidente Asosiasaun Futeboll Lautém Angelo Lopes, ba jornalista sira iha salaun edukasaun Lautém katak asosiasaun Lautém hahú ona fo treinu ba labarik sira hahú husi tinan 6-12 no 12-16 ho nia treinador ida ne’ebé selu husi fundus federasaun.
Trenamentu ne’e futeboll ne’e bainhira iha kompetisaun ruma iha Nivel nasionál sira bele tuir depois mak halo selesaun ba team nasionál, ida ne’e objetivu husi federasaun futeboll Timor-leste e iha Lautém iha mós sentru juvenil sira mós nafatin servisu hamutuk ho asosiasaun futeboll Lautém nian atu prepara labarik sira ba futuru governu liu husi Sekretariu Estadu Juventude Desportu prepara mós osan hamutuk ho federasaun futeboll Timor-Leste atu prepara labrik sira,” hakruir Angelo Lopes ba jornalista sira tresa (19/10/2021).
Prezidente Asosiasaun Futeboll Lautém ne’e hateten kada fulan asosiasaun hetan fundus husi federasaun futeboll Timor-Leste mill dollares hodi halo atividades sira inklui selu treiandor ba futeboll.
Sorin seluk Assistente Treinador Minorino Savio, ne’ebé jornalista sira hasoru iha kampu futeboll Lautém tersa ne’e, hateten mós katak labrik husi tinan 6-12-12-16 hamutuk 70 resin feto no mane mak agora sira fo trenau hela.
Ami prontu naftin fo treinu ba labrik sira maibé iha mós problema ba material hodi fo trenamentu ba labrik sira iha material ne’ebé menus barak los maibé lahamate ami nia esperitu ami kontinua fo treinu ba labrik sira nia hateten”.
Tuir informasaun ne’ebé mak iha asosiasaun sentru juvenil Lautém iha mós planu loke torneiu iha semana ne’e nia laran hanesan menus ida hodi halo mós selesaun ba labrik sira ne’ebé mak durante ne’e tuir ona trenamentu.
Jornalista : CE.Lautem
Editor : Agapito de Deus
