Lafaek News (Horai-Kiik–Asidente akontesimentu ohin dadeer oras tuku 9, besik sede suku Horai-Kiik, postu administrativu Maubisse, munisípiu Ainaru rezulta ema ida mate no nain 18 kanek todan.
Tuir diretora Ospital Referal Maubisse, Gabriela da Conceicao, informa hafoin asidente ne’e akontese, ambulansia transporta kedas vítima sira ba ospitál balun iha ospitál Maubisse no balun atu ba Dili, to’o iha dalan klaran ida hakotu iis.
“Vítima sira ne’e transporta ho ba Dili primeiru na’in neen no transporte daruak hamutuk na’in 10 no lubuk ida mak iha ospitál referál Maubisse, hodi kontrola hela sira nia kondisaun to’o agora data fixu kona-ba hira mak kanek no hira mak kanek kaman, maibe oras ne’e dadauk parte saude relata ona katak akontesimentu ohin ne’e na’in ida mak mate, hafoin transporta ba ho ambulánsia ba Dili mak mate iha dalan no agora lori mai fali iha Aileu,” dehan diretora Ospitál referal Maubise, Gabriela da Conceicao, 2/09/2021.
Antes ne’e tuir lafaek news asesu dadus, husi komandante Munisípiu Ainaru, Superintendente, Justino Menezes, esplika, kronolójia akontesimentu ne’e kareta baskolante ho xapa matrikula 54.261 TLS, ne’e tula Ermera oan hamutuk tolu nulu resin haat (34), kompostu husi mane 25 no feto na’in 9, no sanulu resin neen (16) kanek todan no na’in sanulu resin ualu (18). Kanek kma’an, hafoin fila husi festa hafoin feto iha aldeia Tatiri suku Mulo postu administrativu Hatu-biliku, munisípiu Ainaru.
Hafoin akontesimentu ne’e akontese autoridade seguransa liu husi polisía eskuadra postu adminitrativu Maubsisse too kedas fatin akontesimentu hodi ajuda vítima sira evakua kedas ba óspital referal Maubessi, tanba ema na’in 16 kondisaun grave no 18 kondisaun kmaan.
Kontribuitór : Coutinho Manlor
Editór : Agapito de Deus
